Myanmar Idol Top 7 zuamnak cu nizan November 28/2019 ah tuah si, Mah hi zuamnak ahhin hlan hlasak thiam Soe Lwin Lwin hla hmangin zuamnak an ngei. Zumnak a dih hnu ah Benjamin Sum cu PannPwint nih ton biaruahnak an ngaih. November 28/2019 kha ka chuah ni asi i, thazaang pe dingin ka nu zong Yangon a rak phak mi ka hmuh tikah ka lawmtuk hrinhhran.

Cu lawng si loin Myanmar Idol team hna le hringtu ka nu nih an ka surprise mi hrim an thiamtuk. Kum 19 ka si cang nain keimah min in Birthday Cake hi voikhat te hmanh ka at-khuai rih lo. Atu bantukin dawtnak le zawnruahnak he a ka cawnglomh mi an dihlak cungah lunglawmhnak chim cawk lo ka ngei.

Thazaang pekin a ka dirkamh tu ka fans hna nih an ka dawttuk i, ka chuah ni ah siizung le siangiin rawl an phawt hna. Keimah min in thisen hna an pek hna timi ka theih tikah kaa lawmtuk hringhran. Cu, tutan ah U Soe Lwin Lwin hla hmangin zuamnak kan ngei i, hlan hlasak thiam minthang asi tikah a hlasak ding cu kan i ngaihtuk cio hna.

U Soe Lwin Lwin hla hi ka theihcia mi an si lo, sinain ttha tein an ka ka chimh-cawnpiak. Tuzan hi result an phuan cang lai i, vote hmangin biachahnak tuah asi lai caah vote tampi nan ka pek nak lai kan nawl ko hna,”tiah a lawmhnak cu a chim.

A cunglei kong he pehtlaiin tuzan hi Banjamin Sum, Esther le Yaw Kee caah a biapi tuk hringhran. Cu ruangah anmah pathum caah kannnih nih kan tuahpiak khawhmi hna cu kan umnak hmun le hma cio in vote pekin kan dirkamh mi hna le thazaang kan pekmi te hna hi si ko. Dawtnak he dirpi cio hna usih. Video