CHIN timi cafang lungli hi C in thok i N in adongmi biafang pali komh in kan Chinram le Chin miphun kong biazai ka thiam tawk te ka vun țawn ve. Biazai phaan thiam pawl nihcun tuanbia pakhat khi biazai tawite in țial khawh asi. Ka palhnak um cun ka theih piak hram uh tiah kan nawl hna.

Chinram kan inn, Chinram kan thlaan. Chan le ti luan an ti bang in Chukcho kan luan chan asau cun Chim cawk loin tuanbia kan phuan. Cheu nih Pathian bia zong an phuan. Cheu nih an nun pi i an lian. Cheu nih an phuan nain an luan. Cheu nih ahman mi zong an phuan. Cheu nih an zuun an zumh lo man

Ca rel loin, ca țial kan hman. Chan zong kan phan, burbuk phen in. Cheh hmang mi nun mi kheng phurh in Cawmnak kawl hman aa ziak mi nun Chiat chuah pi in Van Bawi Pathian Chanh chuah mi nun zei rel loin Chinram miphun kan lung khon cun Chuk lei hoih in rilh ding kan tuan

Chan chia kan phan sonh tarh in nun. Chim rih kan hman peng rih ahcun Ceih phai ding men atlau miphun. Chinram miphun tel ve ding cun Caan um lio hin ruah caan na phan. Caan hi na rian si na theih cun Chim hau loin a kai na man Cun pei miphun cu an run ven

Chim lawng kan rian buu kan i țhen. Chim ding ral lian hmanh hmu loin Cheih phai lawng hman, hmurka lawng lian Chimnak ahcun sahrang tlai phun. Certual phanh cun cawl lo hrangngawn Chin-poh ti zawn lu rak i khun. Chim lo tu in țuan caan kan phan Cuanh len loin fuh caan kan phan Cațial loin chimh chin bia in Chinram miphun tah peng nih hin Ci le kor man lingtalet in Chan kan nok nawn kan i țem țawn

Ci hmit ral lian doh ding ahcun Cikor lo cun mei a laan tawn. Chan zeizat lan kan vulei caan Chim chung ahcun anung miphun. Ceu Chin miphun tluang za cul in Chin mi si man zungzal kan rian Chin mi nih hin kan i theih cun Chinram miphun zungzal ahmun Chinram kan inn Chinram kan thlaan. Credit: Victor Kheng Sang