Vice-President Pu Van Thio Bawmhnak Thawngin Khua Chungah Dinti A Phan Cang

Chin News

Vice-President Pu Van Thio Bawmhnak Thawngin Khua Chungah Dinti A Phan Cang

Image result for henry van thio

Vice-President Pu Van Thio bawmhchanhnak thawngin Thantlang Sangthar caah Buhva dong dintilaknak (Meng -5) cu 8.8.2019 ni ah thantlang khuachung tikhonnak Gallons (10000) atllummi tikhonnak ah kan thlakter khawh cang.

Image may contain: shoes and outdoor

Suimilam pa (4) ah Gallons (10000)tlum tikhonnak akhat kho lai. Hi bantuk in Thantlang mipi dinti caah aakan bawmtu kan pa Vice-President cungah Thantlang mipi aiawh in kan lunglawmhnak kan langhter. Credit: Van Zauk Fambawl. A tangbik ah video um lai.

Zeiruangah Dah Zumtu Cheukhat Naak In Zumlotu An That Deuh? Billy Graham Bialehnak

Biahaltu: Pathian a um lo tiah a zummi hawi pakhat ka ngei. Pathian timi sullam hi a caah zeihmanh a si lo. Sihmanhsehlaw mi tha ngai a si i, Khrihfa ka si aa timi zumtu cheukhat hna naak in a let in a tha i dawtnak a ngei deuh. Zeitin dah a si khawh ning a si, na ka fianter kho hnga maw?

Rev. Billy Graham: Khrihfami kip hi an chia thlu lo i, an tha thlu lo; na hawi pa bantuk zumhnak a ngeimi zong an tha thlu lo i an chia thlu lo. Vawleicung ahcun sualnak le that lonak a um lengmang ko lai. Mah chungah thatnak le dawtnak kan tonmi cungah kan i lawmh lengmang ding a si.

Zeiruangah dah na hawi (atheist) pa cu dawtnak a ngeih i a that tuk? Pathian nih cheukhat cu thatnak in thluachuahnak a pek hna; cheukhat cu an nu le pa nih thatnak an cawnpiak hna. Na hawi pa hi mah ruangah cun a si kho men. Pathian a um lo tiah a zummi a si ruangah dawtnak a ngeimi cu a si ka zum lo.

Na hawi pa nih Jesuh Khrih zum seh law dawtnak le siaherhnak a ngeih deuh chinchin rih lai. Thiang Thlarau nih a chungah a um pi lai i, a nunnak aa thleng thluahmah rih lai. Bible nih cun ‘Thiang Thlarau theitlai hna cu dawtnak, lawmhnak, daihnak, thatnak, zumh awktlak sinak, mah le mah uk khawhnak hna etc an si’ (Gala. 5:22-23) a ti.

Nangmah tu cu, Khrihfami cheukhat dang tuahsernak tha lo nih Khrih he naa pehtlaihnak dawn hlah seh. Jesuh Khrih na zumhnak le naa pumpeknak ah thawng chin lengmang ko. Pathian sinah hal law a duh ning in a ummi na si chin lengmang khawhnak lai thluachuahnak in pe ko seh. Pathian nih Khrih tehte tha ah an hmang ko seh! Ref: Billy Graham.

Posted by Van Zauk Fambawl on Thursday, 8 August 2019

Leave a Reply