By Ram Khar |Vice President Pu Henry Van Thio nih Thantlang khua ca ah a kan phurh mi thawng pang ttha tak tak| A Tutan Kanram Vice President Pu Henry Van Ṭhio Chinram , Chaklei a kan tlawn cu Thantlang khua caah cun thawngṭha taktak Lunglomhnak ngan taktak a kan phurh. Amah kan Pa, Pu Henry Van Ṭhio he a rak kan tlawng mihna cu, Ramkomh fimcawnnak lei Vun Ci le Vun Ci Zung dang in, Deputy Minister minung 3, Director General minung 3, Deputy Director minung 1 le Permanent Secretary minung 2 hna an si.

Lunglomhnak: 1. Thantlang khua chung Pawhte rawn ah Sak cuahmah lio mi GTHS (Government Tecnical High School) Siang inn cu a ra laimi 2021-2022 Cacawn Kum ah On khawh ding in timh tuah lio pi a si . Hi GTHS Siang inn hmanh kan ong rih lo nain Vice President Pu Henry Van Ṭhio Thawng le Fim cawn nak lei Ramkomh VunCi a si mi Dr. Myo Thein Gyi CUng ah le atu lio Hakha GTI Siang inn ah Principle a tuan lio mi, Dr.Tluang Za Thang an dihlak hna thawng in GTHS Siang (High School Siang inn in Diploma Siang inn ah (Government Technical and Vocational Institute (Thantlang) GTVI ,ti ah a kan pek than. Kan i lawm hringhran . GTHS Sianginn in a dih hnu ah Hin GTVI Siang inn ah hin Diploma peh khawh colh ding a si.

2. Thantlang Khua ah nihin tiang kan hman mi Maha Dat Aa Line (National Grid) electric Mei hi, 11 (kV) line lawng in pek kan si. Vice President Pu Henry Van Ṭhio zuamnak thawng in 66 KV line pek kan si i2019-2020 Phaisa Kum ah hin 66/11 (KV) 5 M (KV) Dat Khuai Zung (SubStation )cu Kyat Sing 8920 (892.000 million) dih in Thantlang khua Hlun Hauka Bung Pawng ah sak cuah mah lio a si. 2020-2021 Phaisa Kum ah Hakha in Thantlang 66 (KV) line cu hri zam nak caah Kyat Sing 10000/- (One billon) Phaisa pek kan si. Hna Ring Myo Thar zong 2021-2022 Phaisa Kum ah National Grid (Maha Dat Aa Line 11(KV) in tuah piak an si ti zong a chim chih).

3. Hakha – Thantlang – Saisih Chuak lam cung ummi Tipi (Kaladan tiva) Hlei Donhnak kong si. Mah hi Hlei donh ding mi hi A sau Pe (500) in Donh timh mi si . Ram Pahnih Pehtlaih nak Hleipi a si caah hin a Process hi a kal a fum ngai. Asianin Vice President zuamnak thawng le Hluttaw Kan Pa Pu Bawi Khing hna zuamnak Thawng in A ra lai mi 2021-2022 Phaisa Kum ah cun Donh hram kan thok khawh lai tiah zumh nak ka ngei ko ti ah Minister of Construction ah Permanent Secretary a simi U Shew Lay nih a chim. Hi Hlei Donh ah hin India Cozah nih Dollars 2 million le Kawl Ram Cozah nih Dollars 1. 5 million thawh ve in Donh ding a si lai ti ah a chim.

4. Thantlang Khua Mipi nih dinti duhdim te in kan hmuh khawh nak ding caah Vice President Pu Henry Van Ṭhio le Chin ramkulh Cozah bomhnak in Kyat 2.9 billion dih in ti lak a si i nihin ni ah cun duhdim te in ti kan hmang. Ti khonnak inn (Zi Kan) Gallons 150000 a tlummi Pakhat Cu Thantlang khua lu a San nak Bik Far Hual Bo ah sak a si i (ai lim cang ), Gallons 100000 a tlum mi Pakhat cu (Thantlang Palek Sakhan bo )ah sak cuah mah lio a si . Cu lawng cu a za lo a ti i, Gallons 50000 a tlummi saknak ding caah Kyat Sing 600 Vice President nih a kan pek than (Sizung Kam ah sak ding si ) tiah Ramkomh Electric lei Deputy Minister U Khin Maung Win nih TBC Hall, mipi he tonnak a chim.

Kawlram Pumpi ca le Chinram caah ChunChun zanzan in khua a ruat peng mi, A Hlei Khun in Thantlang khua caah khua a ruat peng mi Kan Pa Vice President Pu Henry Van Ṭhio cung ah kan i lawm tuk. A rianṭuan ṭi hawi le CUng zong ah kan i lawm tuk. Pathian nih umpi in lam hruai zungzal ko seh.