Mike Pence cu umnak inn a ngei lo, cu pin ah a nunnak caah a him lo ti a si! Vice President hlun a simi Mike Pence le a nupi cu umnak inn reprai ngei lo in an um ko. Vice President sinak in an i dinh hnu ah umnak reprai a ngei lo, khuazei sat ahdah kan um lai timi an thei kho taktak rih lo tiah Daily Mail nih a tarlangh.

Vice President hlun Mike Pence le a nupi Karen cu nai zarh cacawn nithum (Wednesday) ah khan Indiana ah an kir, a si nain Indiana ah inn cawk zong i timh lo dawh an si tiah former Trump advisor nih Business Insider sin ah a chim. Cu lawng si loin MAGA Mob phu nih Vice President Mike Pence cu thah ding tiang in an tlerh caah a mah pumpak himnak ruah chih a herh caah khuazei sat dah umhmun a khuar lai timi zong fiang in a chim kho rih lo ti asi.

Mike Pence le a nupi hi Columbus ah a um mi Mike Pence a upa sin ah maw an um lai, a si lo ah
Indiana ahdah an um lai timi zong fiang tein chim khawh a si rih lo. Micheukhat nih cun kum 2024 ah President cuh ding in timhtuahnak a ngeih pah caah DC zong ah a um kho men ti a si nain cu zong cu fiang tein an chim kho rih lo.

Mike Pence hi caan saupi inn loin, a um mi a si, inn cawknak a ngei ko, Phaisa a ngei ko nain Inn
cawknak aa laklawh deuh caah cawk loin a um lengmang bia a si tiah Daily Mail nih cun a langhter. A bik in Trump tanhtu buainak a chuah hnu in a mah pumpak tiang thihphaih a si cang caah a himnak kong zong biatak tein a ruah a herh ti a si. Ref: LKKJ

Relchih: Ralkap Le USDP Nih UEC Nih UEC An Buaimi Hna An Leh Cang Hna! Kawlram kum 2020 thimnak ah a sungmi usdp nih mee hrokhrol a um hrim tiah NLD cu sual an phawt hna i ralkap he i kop in UEC mee tawlreltu cu an buai hna. Ralkap bawi zik Min Aung Hlain nih naite ah a chimmi cu tawhlainzi chan lio zongah mee pek ning a fello caah Aana, nawlngeihnak rak chuh a si cucaah tukum thimnak zong hi Ralkap nih nawlngeihnak hmang in nld cozah hi nawl ngeihnak kan chuh khawh thiam ko hna tiah a chim.

Min aung hlaing nih a timi cu phunghram ningin an kallo cun chuh khawh si, a liamcia tawhlainzi chan kum 1974 le kum 1974 na-ouah-tah chan zongah nawl ngeihnak chuh an rak si hihi phung ninglo a rak si ruangah si cucaah tutan zong tuah khawh di a ti. Sinain tutan kawlram thimnak kongah usdp le ralkap nih mee petu hna i an mee-vote zoh tikah citizen identity-card, hmatpungtin um lomi tam, hihi lih mee fir si, pitar le putar mee hlan kan pekmi zongah lih ai tel timi le mithi votes um timi hi tette tha a umlo tiah an timi cu fianternak an tuah.

UEC chimmi ahcun kawlram thimnak ah kawlram chung ummi le rammi a simi kum 18 cung poh nih hmatpungtin-identy-card an ngeihlo zongah thlak khawh si timi phung um caah mee fir puhmi hi a si kholomi sual phawtnak si an ti ve. USDP le ralkap nih an i hrocernak hi tukum thimnak ah biapi in buaipi tlak si lem lo, tette tha USDP nih teinak tiangin votes an hmuh khawh zumh umlo, mee palhmi an khomh suat zongah an hmuhmi nih teinak le nawl ngeihnak chuh khawh tizng dirhmun a phakpi kho hna lailo, thlitu lak voihvoih he an i lo te ko lai.

Ralkap nih nawlngeihnak chuh khawh si tiah an i tlaihmi a liamcia kum i an rak tuahmi kha tutan ahhin hman ve an i timh cun loh si lai, thih lai kecheih an lo ve te lai. Cafang palh sualmi um cun phone si caah ka ruat thiam u. Ref: The Thantlang Post Network