By MC Biklian: VICE-PRESIDENT H. VAN THIO LE MINISTERS PAWL NIH LAILENPI MINI- AIRPORT AN ZOH 🔹🔸🔹🔸🔹🔸🔹🔸🔹🔸🔹🔸🔹🔸🔹🔸.(Japan Peace Envoy SaSa Kawa halnak thawng in Japan Cozah nih Ralzam bomhnak US $ 9.5 Millions cu Myanmar Cozah sinah a pek tha’n) ➖➖➖➖➖➖➖➖➖➖➖➖➖➖➖➖.

Myanmar President zungpi in thawng an thanh ningah Myanmar Vice-President Henry Van thio le Boarder Affairs Deputy Minister Major Gen. Phung Myait, Transport Deputy Minister Kyaw Myo le high Officials hna cu Matupi township, Lailenpi Khua pawng Mini-Airport cu December 22,2020 ah khan Pagan- NyuangOo Helipad in an va phan i, Lailenpi Khua in Chin State CM Pu Lianluai le Official hna nih an rak dawn hna.

Lailenpi Airport Construction Zungah VP Pu. H Vanthio le Ministers hna cu, Air Transport Dep’t Deputy Director U.Kyaw Soe le Engineer i/c Mr. Terry nih Airport sak ning cang kong technical reports an pek hna i, 75% an lim cang i, 2021 Kumthar March thla lei ah cun hmankhawh asi cang lai an ti.

Lailenpi Khua Mipi aiawhin Pu. Hi Wah nih Airport le Khuami tha’n chonak kong a rak hal ve hna. Hi Lailenpi Mini- Airport hi Mr. John Boyd, CEO & President, Mission Aviation Fellowship(MAF) Hqtr. Nampa, Idaho, USA nih US$ Millions Zaa tam thawhin Myanmar Cozahpi Permit (P/s No. 12/ 2017) in May, 2019 khan an rak tuan cang. Hi Mini-Airport hi Sea level 4918 feets asang i, ground running asau lei 2500 feets le a kau lei 50 feets asi i, Caravan Cessna Vanlawng te dir nak ca’ah 200/ 150 feets in an siam lai.

Japan Peace Envoy to Myanmar Mr.Yohei Sasa Kawa,Chairman of Nippon Foundation le Japan Ambassador to Myanmar Mr. Ichiro Maruyama cu November 26/27,2020 ah khan Rakhine ram ah an kal i, rambuainak le Ralzam(Refugees) pawl kong an hmuh ca’ah Japan Cozah sinah bawmhnak an hal piak hna i, Ni. 21 December, 2020 ah khan Japan nih Myanmar Ralzam hna Rakhine, Chin State(Paletwah),Kachin( PutaOo) le Shan ( Lyuaimaw) bawmhnak dingah US$9.5 Millions a pek hna ti’ah Japan Embassy,Yangon nih thawng thanhnak a chuah.

Hi Nippon Foundation nih hin, Vawleicung ram sifakmi pawl bawmhnak a pe tawn i, UN tang i WFO/A le Red Cross( IRCA) he Refugees pawl ei le dinawk pinah Puan le Sivai 4.7million man an hman hmasa hna lai i, 2021 Kumcheu hnu ah 4.7 millions man Sianginn le thil dang ca’ah an hman tha’n hna lai ti’ah Japan Embassy le Itaka News nih a chim.

Cucaah Myanmar Cozahpi nih VP Pu. Henry Vanthio le Union Ministers pawl cu Lailenpi Mini- Airport ah a rannakin an zoh ter hna. Hi Mini- Airport hi an hman khoh cawlhah cun, Chin State Paletwah le Rakhine Ralzam pawl cu bawmhnak thilri phurhpiak dingin MAF lei nih Ready kan si peng ko ti’ah MAF i CEO thar Mr. David Holsten nih a chim. Hi Mission Aviation Fellowship nih hin, Ram sifak Sudan, Uganda, Kenya le Asia ah PaPua Guinea le Indonesia ah Mission rian biatak te in an tuan. An hman bik mi Vanlawng te Mini- Aircraft ti mi “CARAVAN CESSNA-85” tampi an nei.

May17,2018 ah khan Captain Joyce Lin (40) Maryland cu Indonesia tikulh ah Caravan Vanlawngte he a rak thla i arak thi. Cu hnu in Vawleicung pum nih MAF mission kong hi an theih dih. Tutan Myanmar Cozahpi President Office nih caa a chuahmi ah hin Lailenpi Mini- Airport kong ah a ho Chinmi Pakhat hmanh an min a lang loh. Vice- President Pu. Henry Vanthio lawng lawng hi Official in an theihmi le an hmanmi asi.