Vice President Henry Van Ṭhio Le A Chungkhar Dirhmun A Fiang Cang

Chin News

Thlacamnak in bawm cio ko hna usih! “VP Henry Van Ṭhio Naypidaw Ah Ralkap Nih An Congh! Vice President Henry Van Ṭhio cu Naypidaw inn ah House Arrest dirhmun in a um ko tiah a chungkhar lei nih an chim. Ralkap nih an congh ko tiah thawng kan theih”. Source: BBC & Chin Broadcasting Network

A man of peace | Otago Daily Times Online News

Relchih: Hakha inn kangh ningcang a fiang cang. Hakha ah Pu Hrang Cung le Pu No Hnin inn a kaang, minung 6 an thi. 2021 February 2/ zinglei 5:40 tluk ah Hakha Dillo Sang um Zokhua khuami Pu Hrang Cung le Thantlang Peng Hriphi khuami Hakha um Pu No Hnin inn a kaang Pu Hrang Cung fale 5 le a nau fa 1 an thi.

Hi kong ah inn ngeitu Pu Hrang Cung nih “Voidang tawn ahcun zinglei suimilaam 3:00 ah hin ka tho i rawl ka chuan dih tawn. Zahan cun ka mitkuh a thaw tuk i kaa hlau kho lo. Kan uicote a bao tuk i kaa hlau. Ka vun i hlauh ahcun meikhu kaa haak cang. Tho zokzok u, tiah ka au i kan nu cu a tho manh. Thlalangawng ka bauh i ka fale pahnih cu ka hlonh (leng ah chuah) manh hna. Kan nu he kan zaam manh ceo khi a si. Ka naufa Samuel zong aa tel. Ka fapa Amon Bawi Chit Htoo hi kan hnuleite ah motor nih a pah i a ke kiah ca ah a zaam manh ve lo. Zeitin mei kangh aa thok ning zong ka fiang kholo,” tiah The Hakha Times ah a chim.

Hi kong ah Hakha Meithat Zung lutlai Pu Thian Nuam Maung nih “Inn kangh aa thok ning kan hlat lengmang tik ah an inn hi dot thum a si. A dot hnihnak ah hin electric in rawl an chuan tawn. Cucaah, electric plug in aa thok lai ti cu a fiang ko. Cun, thiri a ciam mi man hi kan tuak khawhtawk ah tangka in Ks. 264,000 a si,” tiah The Hakha Times ah a chim. Innpa Pu No Hnin inn pakhat zong a ciam ve nain innhlaang hi Lo ah a riah kar a si ca ah annih chung cu an luat. Pu No Hnin inn hi inn hnih a si i inn khat cu a ciam dih. Anmah chungkhar umnak inn tu cu a him. A thi mi hna hi kan theih tawk ah Par Tha Hlei, Ngun Sui Par, Amon Bawi Chit Htoo, Ngun Cin Hniang, Ngun Tha Len, le Samuel an si, tiah kan theih. Credit: The Hakha Times

Leave a Reply