Velh A Tongmi Pa Ngun Dawt Bawmhnak Ting 20 ($1,753) Renglo A Chuak Lawmh A Um Taktak (Ngun Dawt A Dirhmun Rak Rel Chih)

Chin News

Halkha ah velh a tongmi ka naupa Ngun Dawt cu ahawile nih faak ngaiin an velh caah sizung tiang a phan. Amah ngakṭah buangro te a si. Zawnruahnak nganpi he amah caah tiin Salai Robert Ngun Sang Lian nih Gofoundme hmangin bawmhnak a tuahpiak i US $1,793 (Ting 20 leng) a chuak cang. Gofoundme timi hmehpiak law na ti khawh tawk bawmhnak rak pe ve.

Ngun Dawt, kum 15 tluk tlangval hi Thangzang khua mi, Pu Sang Kam (Tleicia) le Pi Ngun Taang (Tleicia) hna i an fale hna 3 lakah a hniangbik a si. Kum 2 a si ah a pa nih Malaysia ah a thih taak hna, cu tlawmpal ah a nu nih a thih taak. Halkha ah umnak a ngeih lo caah Hniarlawn khuami, Pi Zing Hlem sinah aa dormi a si. Amah hi taang 9 a kai liomi a si i nulepa nih thih taakmi ngaktah buangro a si. A luan zarh chungah Cycle cung tluknak in a kut aa hrawk caah sizung ah a hliamhma a tawl lengmang mi a si.

Amah a zohkhenhtu Pi Zing Hlem nih a tanglei bantukin thil sining a chim

“Atu cu sizung a kalnak in a kir leiah ahawile an si tikah, inn ah ka thlah ve ulaw ke in ka kal i ka baa tuk a ti hna i ahawile nih cun aww si ko, Cycle ngeitupa kan chimh lai an ti pumpulh chuihnak hmun (bawlung chuihnak kun) ah kalpi riangmang i hi tluk in an velhmi cu kan lung a fak tuk. A phone zong ka chawnh lengmang nain an hrawhpiak caah phone a tlai kho lo. Ka ngaih a chia ngaingai ko. A kut zong a cawlcang kho lo angki zong aihruk-aih kho lo, kanmah nih kan hruk chawm, hliamham a faah tukah a kut zong a tum kho ti loh.

“Hi bantukin sizung i a kal lio an velhmi cu a ka ngaih a chia tuk hringhran. A kutter khi va ṭha (dam) sehlaw pa le pa cu ivelh phung zong a si ko, thichuak tiang zongin ivelh phung a si ko. Asinain sizungah an kal i chun sml 12:00 Pm ah ka rawl ṭamtuk a ti i kanmah zong inn kan sa i kan i manh lo hleiah cycle cit zong cu kan thiam loh. Ngun Dawt a thlahtu le dawngtu hi sizungah rianṭuan vemi a si i keimah ka fa ahniang bik a si. Cuti cun a thlah tawn. Sizung i rianṭuan kan ti cu, sml 12 hlanah aimanh ti lo, cu tikah Ngun Dawt nih cun a ṭintaak. Cycle citnak a kut ai khawn caah nifatin te akut hma cu an tawlpiak.

“Video nan hmuhmi kha voihnihnak an velh lioah an rak  laakmi a si. A voikhatnak ahcun an zahte in an ka vuak i ka hnarthi a chuak tuk caah ruah sur liopi a si i Joseph nih a ka zulh i luti a luangmi (ruahti/tilu) in an ka hmai an ka phiahter tiah Ngun Dawt nih cun a kan chimh i, ka hmai kai phiah hnuah ṭhu an ka ti i an ka vuak ṭhan (Video chung kan hmuhmi kha) tiah a chim. Cun, sizung in a chuak kho ding a si rih loh. A mitchungah a thi an hrawlmi a um pah i sibawipa Dr. Cung Cung nih Kanu hi ṭha tein dathmanzaih (altisound) tuah hihi a thluak lei hna a kal ahcuna thluak a rawk khomi zong a si ṭih a nun pah ko tiah a kan ti,”tiah Chin World News Evening sinah a chim.

Leave a Reply