Velh A Tongmi Kan Naupa Ngun Dawt Bawmhnak Pek Khawh A Si Cun, A Konglam A Nulepa Min Fiang Tein Rel Khawh A Si-VIDEO
Chin miphun hawidawt hna,
Atu lio Social Media cungah kan hmuh ciomi, Halkha ah faak ngai in velh a tongmi “Ngun Dawt” kong he pehtlai in zaangfahnak kut an samh cio naklai kan sawm hna.
Ngun Dawt, kum 15 tluk tlangval hi Thangzang khua mi, Pu Sang Kam (Tleicia) le Pi Ngun Taang (Tleicia) hna i an fale hna 3 lakah a hniangbik a si. Kum 2 a si ah a pa nih Malaysia ah a thih taak hna, cu tlawmpal ah a nu nih a thih taak. Halkha ah umnak a ngeih lo caah Hniarlawn khuami, Pi Zing Hlem sinah aa dormi a si.
Amah hi taang 9 a kai liomi a si i nulepa nih thih taakmi ngaktah buangro a si. A luan zarh chungah Cycle cung tluknak in a kut aa rawk caah sizung ah a hliamhma a tawl lengmang mi a si. Atu ah faak ngai in vel a tonnak kong he pehtlai in amah nih siseh, a cawmkengtu Pi Zing Hlem nih an chimmi thil sining hi a tanglei link ah rak rel chap-Cbnetwork timi hmehpiak
Atu ah a cangmi thil hi Chin/Laimi nih kan tuah ti awk lo ding hrimhrim a si cang. Mah le mah, minung le minung kan i velh awk le kan i nehsawh awk a si ti lo. Aho an si zong ah fahnak pek hna ding an si lo. Atu ah a cangmi thil hi (mi/ngaktah buangro) nehsawh le zawmhdeih a si, mi vialte nih kan doh awk thil a si. Hi bantuk hi kan miphun cungah zeitik hmanh ah a can ti lo nakhnga, ka si khawh chungin thazaang rak chuah ve dingin kan sawm hna.