Vawleipi coronavirus ruang ah lungrethei in um a si lio ah Myanmar Rakhine mipi hna cu tukkahnak le faruahthawh ruang ah umnak ngeilo le chungsivang in an um hna. RFA nih an thanhning in Rakhine mipi minung 8,700 hrawng cu ramchung ah tukkahnak a um peng ruang ah umnak inn ngeilo in an vai hna. Buddhist pawl umnak (monastery) zong nih a tlum ti hna lo i dornak ding hmun an ngei ti lo tiah local lawmaker le Abbot nih an chim, tiah an thah.

 

An mah umnak hmun i zohkhenhtu (local adminstrator), phungsertu hna le Civil Society Organization hna i bawm in dornak inn 500 cu sak piak ding in an cawlcangh cuahmah lio a si. Hihi pengkulh chung acres panga a kaumi hmun ah sersiam piak ah si. May thla faruahthawh a chuah hlan ah lim a herhmi a si tiah Rathedaung township lawmaker pakhat Khin Saw Wai nih a chim.

Hi dornak inn sakmi hi tlarkhat ah 10 cio in a si lai. Rua le mau lawngte in sakmi an si. Hi zong hi April Thingyan holiday hnu lawng ah rian thok khawh a si te lai, tiah Khin Saw Wai nih a chim chih. Vawleipi coronavirus ruang ah thih cuahmah le lungrethei in um lio ah kan hawi le Rakhine mipi hna cu tthutdirnak le i dornak hmun zong ngeilo in an um cuahmah lio a si. Ref: Mzz