Myanmar nawlngeitu pawl hna nih ramchung ah a ummi mipi hna cu coronavirus a karh sual lai ti in zarh 2-3 chung cu lockdown ding in rak thanh a si. A sinain ramchung ah a ummi pawl cu an inn in chuak kho ding in nawl an peek tthan cang hna tiah RFA nih an thanh. Hi bantuk in lockdown an rak thanhnak a ruang cu Health Ministry nih ramchung ah minung pathuam a thimi an um cang.

Hi coronavirus a ngeimi minung 22 an tling cang tiah cacawn nithumni ah a rak thanh ri khan a si. Myanmar chaklei kam ah a ummi Sagaing ramtthen cozah hna nih cun tuan ah khan lockdown hi April ni 7 in April 21 lockdown thanh a rak si.

A ho hmanh leng ah chuak hlah uh. Nunnak caah a herh taktakmi eidin tirawl le sii cawk lawng ah nan inn in nan chuak tiah an rak thanh. Khua dang ah a herh tukmi ngandamnak kong he pehtlai tibantuk ah khual tlawn a hauh zong ah ramtthen cozah hna sin ah thawng thanh i nawl peek hnu lawng ah nan umkal lai tiah an rak thanh. Ref:Mzz