Vawleicung Pumpululh Celhzuamnak Ah A Lian Bikmi Champions League Le Europe League Hi A Dong Kho

Sport

Vawleicung Pumpululh Celhzuamnak Ah A Lian Bikmi Champions League Le Europe League Hi A Dong Kho: European football ah nawlngeitu bik a simi UEFA president Aleksander Ceferin nih coronavirus hi September thla tiang zong ah a dih lei a pahlo ah cun Champions League le Europa League hi ngol le donghter a hau te kho men ko tiah a chim. Cu lawng si loin Ceferin nih a peh rihmi cu September a silo le October thla ah hin cun League hi kalpi ngam a si rih bal lai lo. Nawlngeitu hna nih a him cang ko timi an thanh hlan paoh ah cun cawlcangh ngam a si lai lo, tiah a chim chih.

Officiel : Les rencontres d'Europa League et de Champions League ...

EUFA hruaitu hna nih cun zei hmanh hi a fiang taktakmi a um kho rih loh. Cun biakhiahnak siam caan zong a si ngaingai rih fawn loh tiah an chim. UEFA nih hin May thla ah Champions League, Europa League le Women’s Champions League final hna cu celh ding in an thawn dih cang hna. Ceferin nih cun zeihmanh hi fiangte in kan hngal kho in kan chim kho taktak rih lo. Vawleicung ah coronavirus ai chawhning hi kan cuan saw sawh ko rih. A bik in Europe hi kan ruat ngaingai hna tiah a chim. Coronavirus ruang ah hin zeihmanh fangfai in chim khawhmi kan ngei lo tiah a chim chih.

Officiel : Les rencontres d'Europa League et de Champions League ...

UEFA President nih cun hi khuakhannak kan ngeihmi ah hin a zohtu hna kong zong ai tel chih. A sinain Season ngol dup ding nak cha cun a zohtu umlo zong ah kalpi zong hi a ttha deuh ko hnga lo maw? Leng a chuak ngam lomi mipi zong nih TV zohding an herh ve tthiam ko le ti zong kan ruat pah. Hi lentecelhnak donghter nak cha cun TV in mipi nih rak zoh ve ko hna seh law cu nih cun an thinlung le ruahnak hna thazaang a peek ve hna hnga. Cu bantuk in tuah a hauh te sual ah si ah cun July thla a silo le August thla chung ah tuah a si te hnga tiah Ceferin nih cun a chim. Ref: Vl

Leave a Reply