Coronavirus ruang ah vawleicung ram tampi ah lockdown tuah a si. Cu caah Khrihfa nih kan sunhsak bikmi kan Bawipa Jesuh Khrih nih thihnak tei in a thawhthan camtuak cu mi tampi nih hmunkhat ah kan lawm kho hna lo. Cu caah Khrihfa mi tampi hna nih chanthar fiamthiamnak hmang in thawngttha i hrawm cio a si. Pastor cheukhat hna cu biakinn ah an mah lawng kal in cameras hmang in Khrihfabu sin ah thawngtha chimnak in caan an hmang hna. A cheu nih mah le umnak inn cio in Khrih thawhtthannak thawngttha cu an phuan i mipi nih online in rak zoh le ngaih cio a si.

South Korea khuapi Seoul biakinn pakhat ah cun Pastor te zong nih hmaikhuh (mask) i khuh in thangtthatnak caan an hmanpi hna. Herasti, Romania ah cun Orthodox pawl nih phung pakhat ah an i ngeihmi thlan ah kal in mei va vaannak hna in caan an hmang hna. Hmun cheukhat ah cun minung pahnih pathum te mawtaw in an i chok i zalam tlang in Khrih thawhtthannak thawngtha a phuangmi zong an um ve. A sinain Belarus Catholic church pakhat ah cun voidang kel bantuk te in Easther Sunday cu an lawm. Ref: BBC

Tuchun ah kan tonmi thil hi vawlei tuanbia ah a um bal rih lomi thil a si! Hi vawlei hi caan saupi a hmunh rih a si ah cun techin fapar hna nih phung bang an van phai len te lai. Cu bantuk lio caan ah a nungmi nang le kei nih zeitin dah tuanbia kan ttial ve ti hi a biapi taktakmi a si. Thihnak in nunnak ah a kan luhpitu Khrih thangtthatnak le a rian caah na caan zeizat dah na peek. Ni fa tin in Khrih he hawikomhnak kan ngei maw. Caan ttha kan ngeih rihmi chung ah hin zawtnak le thildang vialte kong nak in Khrih nih kan caah a kan tuahpiakmi kong tu hi chim in phung deuh kho hna u sih law a va tha hnga dah.