Salai Bawi Lian Mang: Vawlei pi nih an kan hmuh, an kan dirpi. February thla ni khat ni thok in Democracy, human rights le zalon nak caah nichiar inlo rian kal tak in le tthihpheih nak a phun phun lak ah CDM atuah mi, le Kawl ralkap a doh mi hna cawlcanghnak hmanthlak le thil sining cu UN lei ah siseh, vawleicung cozah le agency minthang hna sin ah siseh ni chiar in CHRO nih a thanh lengmang.

Vawlei cung minthang bik thawngzamh tu ah aitel mi (CNN) Cable News Networks tiang in Chin State khuakip i democracy, human rights le zalon nak caah nan cawlcangh nak thil si ning le hmanthlak cu an kan hal caah CHRO nih kan thanh peng hna. Nan hmanthlak, nan cawlcangh nak, vialte a phan dih. A ho dah an tlaih, a ho dah ralkap lei ah a ttang, aho dah mipi lei ah attang, timi vialte record kan tuah dih.

Mah hi zapi sin thanh awk a tha mi vial Chinland Guardian nih record a tuah mi asi.Mah hi link hi click law Chinram ah zeidah a cang timi tawifiang te in a lang lai. hi ka hi voikhat in hmehpiak law thil sining tampi in rel khawh a si.

Relchih: Kan ttih lo, kan lau lo, Vawlei pi nih an kan theih pi an kan aukanh. Nan mah can a phan ve te lai. Au kanh tu le dirkamh tu nan nei te lai lo. Sualnak neilo Chin miphun nih kan upat mi upa 44 cu hrokhrawl in uknak lak ai tim mi Min Aung Hlaing hruaimi Kawl ralkap nih an tlaih hna. 38 hi Chin State chung in asi i 6 hi Rakhain state in asi. An tlaih mi hna min hi UNO sin zong kan phak pi i vawlei cung cozah cangkang hna sin zong ah kan phak pi. Kawl ralkap duhpoh in mi atlai tu kha tlaih le hren an si can a rauh hlan ah a phan te lai.

Min Aung Hlaing led Military thugs arrested 44 innocent Chin leaders at present. 38 from Chin State and 6 from Rakhain State. The total arrest list in the whole country is over three hundred sofar. The time will come when the military thugs will face the same fate.