Bawipa nih ṭihnak chungin an huhphenh lai i him tein an chiah lai (Salm 121: 7-8). Atu in zungzal tiang, na chuahlei siseh, na luhlei siseh, an zohkhenh zungzal lai. Vawlei ah zeibantuk tihnak dah a um timi nakin ahodah kan sinah a um ti mi abiapi deuh. Minung nih zeidah an chim timinak in Pathian nih kan sinah zeidah a chim ti kha abiapi deuh. Vawlei nih harnak le tihnak chuahpi hmanhseh Jesuh nih hnangamnak le daihnak a chuahpi. Haleluijah.

Pathian nih ka luh leiah aka zohkhenh ko i ka chuah lei zongah a ka zohkhenh ko ti kha thei peng ko. Hmuh khawh mi tihnung lak zongah a kan zohkhenh ko i hmuhkhawh lo mi tihnung lak zongah a kan zoh khenh ko ti kha philh hrimhrim hna hlah usih. Abia kha na nunnak ah nun ter law amah nih na thinlung ah hmunhma la seh. Pathian nih kan nunnak i hmunhma a lak pohpoh ah cun kan him hrimhrim ti cu 100 ah 100 bakin a fiang mi asi.

Amah nih cun tihnak, thinphannak le lungretheihnak hna lak zongah hnangamnak le daihnak akan pek khawh. Muihnak ah khan anih cu a ceu . A pawngkam kha aceuh. Van chiatnak hmanh kha thluachuahnak ah a canter kho tu Pathian a si. Haleluijah. By, Peng Uk Thang,Tokyo Chin Church