Vanmi Holh Cu Vawlei Mi Caah Cun Holh Theihlo A Si

Theihtlei

Holhtheih lo Kongah Hmuhning

Image may contain: 1 person, standing

Cun vancung in aw pakhat nih,’Upatnak cu ka pek cang i ka pek ko rih lai,”tiah a run chim.Cuka i a ummi mibupi nih khan cu aw cu an theih i,”Khua a ri,”an ti.A cheu nih,”Vancungmi nih bia a run chimh,”an ti(John 12:28-29).

Hi bible caang chungah “‘van in a rami holh”cu vawlei titsami hna hnatheihnak ahcun,”Khuari thawng,'” bantuk men in an theih i a cheu titsami hna theihnak ve ahcun vanmi aw bantuk men in an theih ve.Hi mibu hna lakah hin Hebru holh hmangmi Judahmi le Farasimi an um i Greekmi zong an um i cunglei in a rami “holh”hi an theihlo caah cucu “holhtheihlo”c ko. Cu holh cu Hebrew holh zong si lo i, Greek holh zong si lo,ti a fiang. Zeicahtiah van holh cu vawlei holh si lo caah vawleimi caah cun holhtheih lo si ko.

Image result for VANRAM

Tuchan zongah holhtheihlo kongah hmuhning a idang cio. Cheukhat hna theih ning ah, lih le hrokhrawl/ttawnchommi hmuh in an hmuh i a si awk si ko.Vawleicung holh vialte lak zongah hin mah nuhrin holh c lomi miphun dang holh cu lih le hrokhrawl in ttawn chom sawhsawh bantuk an si ko.Laimi lak ah Tuluk holh le Kala le Thailand holh thiamlomi kan caah cun lih le hrokhrael in ttawnchommi ti awk an si ko.Kan Chinram chung hmanhah hin Mara holh hna hi a theithiam lomi caah cun lihhrawkhrol in a ichawnmi ah ruah sual an fawite.

Sinain Anmah Mara holh hmangmi hna kha nan holh hi sullam ngeilo lih hrokhrol in nan holh,”va ti hna ulaw thah hmanh an ngamh lai.Zeicahtiah lihhrokhrawl in an awnh sawhsawhmi si lo caah si. Pathian nih pek awk kan itlakmi laksawng kha a kan pek cio i cu a kan pekmi cio ning in laksawng a kan petu Pathian ca riantuannak ah kan hman awk a si.Cu a kan pek ng cio cu (Rom 12:6-8,1 Kor 12:4-11) chungah hin fiang tein a langhter ko.

Mahbelte cu zeithil paoh ah hin a tak le a deu an um zungzal i cu a tak le deu thleidan thiamnak laksawng zong a um(1Kor 12:10).Cucaah minung nit hmuh ning le tah ning men in doh le soisel hmasa hlanah a tak le deu thleidan thiamnak laksawng pe khotu Pathian sinah thlacamnak he bawmh hal hnuah Pathian nih hmuh fiannak a kan pekmi hmang in a tak le a deu kha fingrilh in kan rilh hmasa ding si. Zeitiloin doh thlorh ahcun Pathian thinhunnak tu kan cungah kan itlunter sual lai ti zong hi phan awk a um.

Ref: Manghei Thangz

Leave a Reply