Vanlawng Kahnak Ruang Le Kaphnih I Kahdohnak Ah Khampat Khua Inn 50 Leng A Kaang.

Chin News

Sagaing ramṭhen, Tamu pengkomh Khampat khuachung ah December 20 hrawng in SAC ralkap nih vanlawng in kahdohnak an tuah ruang ah le SAC ralkap le PDF kar kahdohnak ruangah inn 50 leng a kaang, tiah theih a si.

Palik sakhan he naihniam in a ummi inn pawl a kaangmi an tam nain vanlawng kahdohnak ruangah a kaangmi a tam deuh kong Khampat khuami pakhat nih a chim. Khampat khua cu a luanci November 7 thawk in PDF nih an rak laak i thla khat leng a rauh hnu December 7 thawk in laak ṭhan ding ah Kalay hrambunh SAC ralkap le Mawleik hrambunh SAC ralkap pawl nih an rak panh ṭhan i PDF he kahdohnak a zual.

Khampat khuapi la ṭhan ding in SAC nih cunglei le tanglei he kahdohnak an tuah nain PDF nih faak ngai in an kah hna i an kham ve hna caah December 16 ah SAC ralkap pawl cu hnu an kir ṭhan, tiah tualchung mi hna sinin theih a si.

Khampat khua chung kahdohnak ruangah ralhrial in a zaammi hna cu December 20 thawk in khuachung an panh ṭhan i No. 1 le 2 sang ah a ummi hna cu an inn an panh ngam rih lo, tiah theih a si. Ref: The Chin Post

Leave a Reply