New Delhi Uttamnagar Budella sangah a ummi Chin nu pasal cu ngakchia pakhat le pakhat i sik velhnak kongah minung 4 nih an vuak ruangah a lu a tlek i a thisen a chuahpah ruangah sizungah an tlikpi tiah theih a si. June 15 zaan sml 7 hrawngah vai ngakchia pate nih chin ngakchia nute a velh i a velhnak a lu a bo. Cu ruangah chin ngakchia pate hringtu a nulepa nih vai ngakchia pate cu zei ruangah dah kan fanu cu na vuak tiah bia an hal. Cuti bia an hal cuahmah lio ah cun vai upa leimi pakhat a rak phan i ngakchia nute a pa cu a ṭang in a tlaih i a cam chih ti a si.

Cu hnuah vai upa nih cun a hmaiah a bengh i tlawmpal ah midang pa 3 an rak phan i an pa 4 ningin an vuak. Minung pahnih nih a hnulei in an tlaih i pakhat nih a thonghchih hnuah pakhat deuh pa nih thir fung in a lu (a tukbahrum) ah a tuk.

Thir fungin a tuknak cu a tlek i a thisen a chuah tuk caah sizungah an tlikpi tiah theih a si. Cu bantukin thil a hung can tikah, palik sinah theihter an si i palik pawl nih Chin pa cu sizungah an kal pi amah a vuaktu vai minung pa 4 hna zong an sinah an hruaichih hna ti a si. Thawngpang dang zeihmanh a um rih lo caah, zeitindah palik nih an ti hna lai ti cu theih a si rih loh tiah Vapual Auaw nih a taarlangh. Chirhchan: Vapual Auaw

Tulio minak minthang nute, Candace Owens Chimmi: Minak million tampi nih zingka kan thawh chiarte thil ttha kan tuah ve ko. Buainak zong ka chuahpi lo, mi thil zong kan fir lo, rit sii zong kan tawng lo, Palek zong kan upat ve ko hna. Asinain leftist [ democrats] lungkhat phur mimolh pawl buaibainak, black lives matter movement nih kan mui an kan chiatter mi hi cu a ka simh tuk cang. Salai Lairamthang