Video an von taarmi hi Yamethi Myone USDP party zungah a cangmi a si i USDP party hruaitu pakhat nih zung chungah a ummi pawl sinah biachimnak (biacah) ngei in ralkaap dirpitudingah minung kawl dingin le tangka pek dingin a chim i, a au ning cang zong a chim chih hna.

USDP party hruaitu nih,”Mawṭaw pakhat ah thong 20 kan pek lai i minung an khat dihnak hnga au in sawm hna uh. Light Truck ah thong 20 a si lai i mi 20 tel sawm le auh khawh izuam hna uh. Kan si khawh chungin kan rak in bawmh ve hna lai. Cunglei i nawlpeknak bangin kan tuahmi a si.

“Miphun biaknak kilvengtu le humhimtu pawl kan dirpi hna, Democracy ah lam dik a hmuhsaktu hna ralkaap kan dirpi hna, dirhtharmi UEC cu lungtling tein kan in don hna tibantuk ca nan i put lai i nan au pah lai,”tiah chimhnak a ngeih. Video zoh a duhmi caah, VIDEO timi hmeh piak law zoh khawh a si lai.

Miphun lungrual Caan/ Time to be united! Naite ah ziah MPs le politicians vialte nan daidep! Tubantuk caan ah nan ithup tiah ka uhttanh tuk hna hna caah fakpi in ka zai hnawh hna. “Kan dailo hrim lo e. Kan si khawh tawk tein kan cawl cio ko” tiah an ka ti. Nizan ah Hakha lei ka chawnh hna i upa tampi nih sandahpiah an telpi hna timi zong ka theih.

Kawlram ah a tthawngbik hi Ralkap an si naisai lo. A thawngbik cu “Mipi” hi kan si. Kawlram ah millions 54 minung ka um i, cu chung ahcun Ralkap cu 350,000 hmanh an tling lo. Milu tlawmte, ralkap lu-bo Min Hlaing le Than Shew tbk nih a thawngbik, millions mipi an uk khawhnak cu mipi pawl kan lung aa rual lo caah a si.
Cucaah, Ralkap nih Mipi lungrual lohnak hi an thazaang a si i, cucu an hngalh tuk. Cucaah, divide & rule system hi hriamnam ah an itlaih peng rih. Tutan Aana- an tingmi zong ah a rannak in Opposition Party paoh an sawm colh hna. Hriamtlai phu, NCA an sawm colh hna. NLD le Mipi karlak ah itthennak an tuah. NLD le tlangpar Party vialte karlak ah idannak thlaici an tuh colh.

Hriamtlai vialte nih NLD le Mipi hnulei in an dir lonak hnga, an lem colh hna. Cucaah, tutan ah a biapi bik in hngalh a herhmi cu, Ralkap nih Kawlram mi, millions 54 renglo kan ifun dingmi hi an ttih tuk. Cucaah, kan lung aa rual lonak ding a phun phun in propaganda an tuah lai.

Mipi nih CNF/CNA kan in hlam hna tikah Mipi nih an kan bochan tbk in ruat u. MPs le Politicans nan dai e, nan ithup e kan in ti hna tikah, Mipi nih an kan bochan caah tiah ruat u! Tutan lio caan hi lungrual caan a si. Source: Zasang Cinzah

Note: Palh sualnak a um sual ahcun, nan kan theihthiamnak lai kan in nawl duh chih fawn hna.

_____
Copyright © Chin World News Evening