Nai ah kan Miphun le kan Ram caah Rian a tuan cuahmah mi kan pale pahnih Dr Lian H Sakhong le Pu Thet Ni bia an halmi hna lehnak an tuahmi nih khua tampi a Hun ka ruah ter len. Kan pa le Min ka Hun chimmi hna hi CNLD leUSDP or NLD an tanh/tanhlo tinak lei hrap in an bia mer le kuaih piak hna bak lo ding a si lai anmah nih chim an Duh ruangah an chimmi si loin Biahalnak an tuah hna caah thil sining an chimmi tu a si timi fian Bu te he ca na rel naklai zong Ka Duh fawn.

The Chinland Post le Pu Thet Ni Biaruahnak an ngeih lio ah USDP Cozah he Rian an tinak tete a chim. Cun, Sweden um Laimi nih Online in Biaruahnak an tuah ii Dr Lian H Sakhong zong aa tel ve. A chimmi tampi lakah 2012 CNF le Kawl Cozah nih Kahdaihnak Min an thut hnu in Rampi Cozah a tlaimi hna USDP le NLD nih CND an tawlrel Ning a chim ve. Chin Cozah Sertu hna hi 2010 thimnak ah NLD cu an ii tel lo caah USDP le Chin Party an si ii MP a tam u cu Chin Minung deuh lawngte an si ii 2015 Thimnak zongah teitu a simi hna NLD an siah USDP an si ah a tam u MP hna cu Chinmi deuh ngawt an si hna.

Dr Lian H Sakhong nih a chimning ahcun, 2012 lio Cozah he Min kan thutmi le hnatlaknak kan ngeihmi ah Chin National Day(CND)hi Cozah he hmunkhat teah tuah ti dingin hnatlaknak kan ngei a ti. Cun,Cozah he Kah Daihnak kan tuah hnuah 2013 Hakha ah Cozah he kan tuah ti ii Chin Cozah aiawh in Pu Hung Ngai nih bia a chim I CNF lei in keimah nih Biachimnak ka ngei ve,a hmaikum ah Mondat ah Cozah he tha tein kan tuah ti Than ii Pu Hung Ngai nih Cozah aiawh in bia a chim than ii CNF lei in kan Chairman Pu Zing Cung nih bia a chim.

2015 NLD Cozah an kai hnuah Pu Lian Luai Hruainak tangah Falam ah an tuah ii,CNF zong cu sawm kan si ve Kan Chairman Pu Zing Cung le Minung tam ngai an kal hna Biachimnak pek cu Hun chim lo thutnak hmanh ah a tlaar thumnak Ceo ah an thut ter,a hmai Kum ah Hakha ah an tuah than ii CNF aiawh in keimah ka kal than thutnak tu cu hmai bikah an ka thut ter nain Biachimnak cu an kan pe thiam lo,mah hnu cun CNF nih Biachimnak an kan pek lo ii Sawm sawhsawh nak lawngin cun kan kal ti lai lo tiah biachahnak kan tuah.

Tukum a si Hoi le heh tiah meeting cu an tuah len nain CNF cu sawm kan tong thiam lo cu tikah Thantlang khuanu khuapa hna an Thinlung a fak tuk ii Cunglei ah ca an tial hnuah an ka Auh ii CND ah Bia na chim ve lai an ti,Biachimnak Theng cung ka kai lai tiang zeiti lei kap in biachim ding Thanh ka si lo Cantlaitu nih biachim a Hun ka Auh le Khuanu Khuapa aiawh in tiah a Hun ti tikah,thengcung Ka Hun kai hnu in kanmah CNF hi inntek taktak cu kan si Tiah mizeimaw nih a rem lomi zong an um len ko lai nain Ramkhel bia in a chimnak kong fianternak a Hun tuah.

Kan Cozah Zeimaw aa Hun ii thlen hnu in CND kongah USDP le NLD nih an tawlrel Ning le an kalpi mi zoh tikah Party rem lonak tete zong aa tel pah in a Lang. CNF he kah Daihnak a tuahmi Cozah le Party an si lo caah maw USDP an hnatlak nak tuahmi hi NLD nih Zei ah a hei rel piak hna lo bia dek a si hnga?Cun kamkhat lei in zoh ahcun USDP hi Hruainak lei ah theih hngalhnak an ngeih deuh hna a si hnga maw?

Tha tein hnatlak nak tuah ciami Chin National Day kong te hmanh ah mah ti ii sukkhak nak a um ahcun “Rampi Kahdaihnak a kal cuahmahmi chinchin ahcun chim awk a um ti lo” NLD Cozah nih CND tuahnak kongah a tawlrel Ning cu lung a tling lo ngai. NLD a Hun kai hnu in Lai khuate cheukhat ah Tuanvo an lakmi tete zong lung a tling lo ngai. Paletwa kongah Chin Cozah nih an tawlrel Ning zong lung cu a tling deuh hrim lo tiah Ka ruah.

Note: Catialtu hi Tualchung Ramkhel party hohmanh Tanh Hlei mi ka ngei lo,2008 phunghram leng in Dohthlennak a tuahmi CNF tu hi ka si khawh Tawk tein ka support ve hna. Credit: Z Tial Thawng