Ni Lintuk Caah USA Ah Minung 6 An Thi: USA ah khua-ti linh tuk (hot weave) ruangah July thla 21 tiangah khan a tlawmbik minung 6 an thi tiah VOA Burmese nih a ttia. Nain, tuantuk in a linhmi (heat wave) a dih deng ko tiah nawlngeitu nih an chim.

Nitlak laifang lei thli cu nichuah lei rili kam lei hoih in a hran caah ni-linh cu aa rel deuh lai nain, ruah lo piin ruah fak piin a sur kho, cun ti a lianh khawh lengah thlichia zong a hran khawh caah rawh-raalna a chuak kho tiah US khua caan zohtu zunglei nih an chim.

Cubantuk cun, US ram pumpi ah puai phunphun tuah ding le zaangcelh puai zong an let/hrawh hna. Cu lio ah Florida Ramthen Clearwater rilikam ah tek a tlak ruangah a tlawmbik minung pariat-8 an i khong tiah inn-tek thawngzamh WTSP nih a chim. Tubantuk in khua-ti a linhtuk caah, chungkhar le hawi le kom, a bik in kumkhua upa deuh pawl cu tha tein zohkhneh dingah US khuacaan lei nawl-ngeitu nih an chim. Laknak: CCN.Net