USA Ah Laipa Meithal In Kah A Tong An Kahning A Fak Ngaingai

Police pakhat an hliam, misual pakhat an kah/thi, Laipa a hnaak le a kaa ah an kah fawn. August 2, zahan zan 8 le 9 kar hrawng ah Indianapolis khua chung ah meithal kahnak hmun ruk (6) bak ah a um tiah police nih local TV le news sinah thawngthanhnak an tuah.

Hmun hnih cu Chin/Laimi umnak sang/Apt. pawng ah a si. An kahmi pakhat hi Laimi kum 16 hrawng a si. A hnak le a kaa ah an kah. A hnak i an kahnak hi khat lei ah a thawi i a kaa/hmur zawn an kahnak hi a mam dih ti si. Sizung ah zualhma ngai in an thlop lio si tiah a chungkhar sinin theih a si. Nichuah lei (Northeast) sang i thi lak i an kahmi cu mi zei si hngalh a si rih lo.

Zan i leng chuah le vah tikah ralrin deuh a herh. Kum tling lo fale chuah le vahter tuk hna lo ah a ṭha. Hi bantuk thawng hi ralrinnak petu si sawh seh. The Chin Voice

Note: Hmathlak hi kanmah nih a remcanning in kan hmanmi asi caah careltu nan kan theihthiamnak lai kan in nawl duh hna.