Atulio zawtnak ṭihnung Covid-19 nih kan Laimi zong a kan phak ve taktak cang. Biatak tein kan iralrin taktak aherh cang. A kan tlunh lai ti chim khawh a si hrimhrim lo. Ram uktu siangpahrang pipi zong a tlun ko hna. Cucaah kan iralring taktak aherh cang. A bikin USA ah ummi Chinmi hi kan iralrin khun a herh. Atu dirhmun ah US hi an tambik nak le a karh cemnak hmun a si.

Atu naite Chinmi nih kan ibachan taktakmi kan pakhat a simi Pu Zo Tum Hmung nih a timeline ca a hun ṭialmi cu Chinmi caah thawngpang chia ngaingai. Laimi cu zawtnak ṭhalo kan ngeih zongah ningzak phun in chim phuan ka hman lomi a poi taktakmi thil a si.  Cucaah atulio zawtnak Covid-19 ka ngeih ko rua  ti nangmah le nangmah na lunghrinh ah cun i zohter colh. Cucu nangmah ca zongah a ṭha i na chungkhar ca zongah a ṭha mi asi.

Pu Zo Tum Hmung nih a facebook timeline a ṭialmi cu “Chinmi mithi kan ngei (Covid-19 ruangah). Sizung a kaimi kan um. Thlacam bawmh kan herh washington, Dc Area,” tiah a facebook a timeline ah a tial. Cu lawng si loin mi tampi nih comment an pek i lehnak a tuahnak ah zoh hin a konglam tlawmpal cu theih khawh a si. Commmen pekmi hna kan vun khawmhsuat i a tanglei a konglam tlawm kan rak ṭial chih.

Pu Zo Tum Hmung nih a facebook timeline a ṭial rihmi cu “Amah hi fa pathum ngeimi a si. Cun amah hi kum (40) hrawng minung a si. Cun amah he rianṭuan ṭi hawi hna zong  nan i din ko ulaw test i tuah bia kan cah hna hna. A ruak zong kan zoh kho ve lo. A thlan/ruak kong zongah kan lungrethei ngaingai. Sizung zongah va khawh an si lo. A Fale 3 le a nupi cu tiin a kal taak hna. Ṭha ṭhi in kan ichawnh khawh rih lo caah a khua le min hi chim awk a ṭha rih lo.Thlacamnak in kan bawm ve uh,” tiah a facebook ah atarmi comment a pekmi chungin a chimmi a si. Credit: Pu Zo Tum Hmung