Don’t Play The System [ Nicang Loin Thil Tuah Hlah! Treasury Secretary Steve Mnuchin nih tuchun ah thawngthanhnak a tuahmi cu Coronavirus ruangah rian a ngei lomi hna unemployment benefit a eimi hna cu rian ngeitu, an boss le nih rian an auh than hna i an riantuan an duh lo ahcun cozah pekmi unemployment benefit kan chuh hna lai tiah tuchun ah a chim. Cun hlan lio an riantuannak i an hmuhmi nak in tam deuh a eimi zong jobless benefit kan pe than hna lai lo tiah a chim.

Cozah sin in small business bawmhnak Payroll Protection Program [PPP] a lami company poah nih an riantuantu hna rian lut ding in an chimh hna ahcun unemployment office ah report an tuah hrimhrim lai. Cozah nih PPP loan caah billion $600 a hman. Zarh 8 caah a pekmi hna a si i, an herh tuk than a si ahcun kan ceih hlai i, a ni kan sauh piak hna lai ati.

US State 50 Ning In On Hram An Thawk Cang. Coronavirus ruangah thla hnih chung lockdown le state at home an tuah hnu ah tuchun ah state 50 ning in on hram an thawk cang. President Trump nih cun Easter Sunday khan on a rak duh cang nain ngamdamnak lei nih ralrinnak an pek ruangah atu lawng an on khawh hi a si.

White house coronavirus task force nih guideline dothum an tuahmi ning in on hram an thawk. A tam deuh state cu phase one timi a cheubang lawng on hmasa a si. Virus a tlawnnak le a zor deuhnak poah kau deuh in an on i, virus a din deuhnak le a tlawmnak deuh poah kau deuh in an on.

 

Michigan le New York hi a zual ngainak a si caah an Governor nih an rengh ngaimi an si. Michigan Stay at home order kha May 28 tiang a si. Asinain May 22 khin rawldawr, zudawr le retail store pawl on an thawk ve cang lai. New York State at home order kha May 28 ah a dih lai. Asinain phase one cu may 15 khan on hram an thawk ve cang. Credit: Salai Lairamthang