Bawmhnak phaisa caah Direct Deposit in luhter dingin nawlnak tuah khawh a si cang. Tax nan rak file lio ah check in nan rak tuah siloah phaisa liammi nabn rak si siloah atu tiang bawmhnak phaisa nan ngah lo ahcun nan bank account cu IRS sinah nan theihter hna ahcun a tha.

IRS sinah nan bank account pek khawhnak website cu : https://sa.www4.irs.gov/irfof-wmsp/login ah hin hmet law leng, mah hi a ngah sual lo ahcun https://www.irs.gov/coronavirus/get-my-payment leng law Get My Payment zawn kha hmet, cun OK tiin a langmi te zawn ah kha hmet than. Nan social number le nan chuah nithla le nan address tial in hmet ( tax na rak file lio ah na pekmi address), cun 2018 lole 2019 tax nan file nak kawpi (copy) kha zoh law AGI ( tax file nak ca i 8(b) zawn te number khi) le zeizat nan ngah timi tial chih.

Cun nan bank account kha tial chih te hna law, hei hmet te. Family in a rak file mi nih innchungkhar ah pa bik siloah nu bik i pakhat konglam ( information) lawng tial a hau. Cucaah caan a la tuk lem lo. Mah tiin nan ban account nan pek hnu hna ah ni zeizat a rau rih lai ti cu theih khawh a si lo, nain check in an in kuat ding nak cun a ran deuh ko lai. Theihding: Direct Deposit tuahnak caah nawlnak hi website lawngin a ngah. Phone chonhnak in direct deposit tuah piaknak ding caah nawlnak tuah a ngah lo. Salai Z T Lian