Atu zarh dongh leiah bawmhnak phaisa a phan kho men. Greencard a ngeimi zong pek an si lai. Bawmhnak kong U.S. Congress (House le Senate) nih a ceih hmasa. An hna a tla. House ah Democrats cu majority an si; Senate ah Republicans. U.S. Constitution ah House nih a hnatlakmi bia kha Senate nih a hnatlakpi ve a hau.

Cuvebantuk in Senate nih a hnatlakmi kha House nih a hnatlakpi ve a hau. Kapkhat lei lawng hnatlak a ngah lo. Kaphnih hnatlak hnu lawng ah President cabuai a phan. President nih minsen a thut hnu lawnglawng ah a nung (law a si). (Hibantuk system hi kan chuahkehnak ram ah um kho ve sehlaw a ttha tuk ko hnga. Key Federal Principles ah kan telh).

Tahchunhnak ah $1,200 pek ding timi hi Congress nih a ceih i a chiahmi bia a si. President rian cu executive branch a si bantuk in Congress nih a chiah cangmi bia kha a pek hna lai. Phaisa lei kong a si bantuk in U.S. Department of the Treasury rian a si. Secretary Steven Mnuchin nih kut ah a um.

Congress nih a bia a chahning tein a ttuan le ttuan lo kha a zohfeltu (oversight committee) an um rih.Cucaah hmuh hnga ding hmuh lo ahcun mah umnak Congressman (House of representative asiloah senator) theihter ding a si. Kannih Maryland ahcun Sen. Ben Cardin le Sen. Chris Van Hollen an si. Credit: Zo Tum Hmung