Theihtlei: Tuni ah Texas ramkulh uktu Abbot nih Covid-19 zawtnak a karh lonak hnga Texas sianginn vialte cu tukum cu khar rih ding tiin thawng a thanh. Tukum sianginn kai kum tinak hi tukum thal May 22 tiang kai caan khi a sawh duhnak a si. Online in cun kai a si ko lai nain minung pumpak i sianginn kai cu khar chung a si rih lai tinak a si.

Dallas county chungah hmaikhuh i khuh lo zongah dantatnak um than lai lo tiin an thlen ṭhan. Nan theihcia bang tuzarh zarhte ni thawkin Dallas county chung um zapizarang umkalnak hmun ah kal ahcun hmaikhuh i khuh a hau cang lai tiin thawngpang ah khan tlawmpal te a thlenmi a um ṭhan.

Tuni ningani ah Dallas County Commissioner pawl nih mee ( vote) an thlak i biaceihtubawi Jenkins i order a chuahmi kha zeimawzat an thlen than. A thlenmi ahcun hmaikhuh i khuh lo zongah dantatnak a um lai lo ti a si cang. Hmaikhuh i khuh lo zongah zeihmanh palik nih an in ti kho lo tinak a si.

Nain hmaikhuh i khuh lo ahcun dawr le zapizarang umkalnak ah luhchuahnak kham khawh na si lai. Tahchunhnak ah dawr ngeitu nih hmaikhuh a khuhmi lawng a dawr ah luhternak nawl a pek hna ahcun nangmah cu hmaikhuh na khuh lo ahcun na luh kho lai lo tinak a si. Salai Z T Lian Mirang in tling deuh in rel khawh a si. Hihi rak hmeh piak. 

Biakilh: Hi thawngpang hi tuan deuh ah an tining ahcun Dallas County nih mipi sinah thanhnak an rak tuahmi cu leng chuah tikah hmaihuhnak (Mask) ai vuah lomi cu US $ 1000 dantatnak or thongthlak ding tiah thanhnak an rak tuahmi a si i a cunglei ah kan hmuh bantuk a tuah ṭhan lai lo tiah theih a si.