Tukum US election cu biatak tein buainak chuah dawh a si cang. Atu tiang Vote zong an rel dih kho rih lo. Duh lonak langhter in lamzawh le motor khangh, dawr boah tibantuk tiang chuah ṭhan dawh a si cang. Cucaah US Laimi zong kan i ralrin ngaingai aherh cang.

US election nih mipi buainak ngan ngai chuahter dawh asi cang. Kan nih Canada hna cu Deputy Prime Minister nih US um mi Canadian pawl sin ah ralrinnak achim cang. Lamzawh in motor khangh, dawr baoh, miphun huatnak tiang khan țihnung nih azulh khawh mi asi. US um kan unau pawl, ralring tein um i zuam cio hram uh. Caṭialtu: Victor Khen Sang

US thimnak kong he pehtlai in thawngpang dang rak rel chap

US Thimnak: Vote Relcia Zoh In Rel Rih Lomi States 7 Ah Trump le Biden Dirhmun. 7 States ah votes an rel thlu rih lo. Atu relcia mi ah Biden nih Votes 238 a hmuh lio ah Trump nih votes 213 a hmuh. Biden nih relcia mi ah a tei.

A tu rel liomi States 4,Pennsylvania 20, North Carolina 15, Georgia 16 le Michigan 16 ahhin Trump percentage % cun a tam deuh rih. Hi states 4 nih an ngeihmi votes 67 bak a si i Trump nih hi states 4 ah teinak a hmuh ahcun President a tling kho. Asinain hi states 4 chung ah pakhat paoh ah a sungh ahcun bye bye ti a hau lai. Nain a tu dirhmun ahcun ruahchannak a um rih.

Biden caah a tu rel liomi, states 7 chungah pathum hi a ttha ngai. Cu hna cu;Wisconsin 10, Nevada 6 le Alaska 3 hna an si.Hi states pathum ahhin votes 19 a um i a hmuh ciami votes 238 fonh tikah Votes 257 tiang lawng hmuh khawh ding ruahchannak a um.

Cucaah tutan thimnak ah a ho an si hmanh faktuk in an itei lai lo ti cu relcia mi dirhmun zoh in theih khawh a si. A tu an relning zoh ahcun Trump 280 hmuh i President tlin dawh a si. Biden nih votes 257 hrawng hmuh i tlin lo dawh in a um. Caṭialtu: Stalin Ṭha Cung Lian