Texas tleirawlnu pakhat nih Social Media ah Video in Walmart Store nih timhciammamte in Coronavirus an karhter tiah mipi a ṭhih hna caah misual (terrorism) case an phurhter.

Kum 18 a simi Lorraine Maradiaga nih social media (Snapchat) ah mipi ṭhihphaihnak he pehtlai in video a post. A chimmi cu thihnak a phanhpi khotu virus ka ngei. Covid-19 positive na si an ka ti hnu ah Dallas dawr pakhat ah ka lut. Nan nunnak kan tawiter hna lai tiah chiatserh te in a chim.

Cu caah Maradiaga cu an tlaih i misual mi a tlirhkhonhtu ti in nawlngeitu hna nih cacawn nihnihni ah an fehter. Carrollton Police nih mipi sin ah thanhnak an tuahmi ah an chimmi cu hi minu nih hin coronavirus a ngei loh. Police nih an tlaih i an hneksak tiang ah hin cun Maradiaga hi coronavirus positive a si timi zei hmanh hmuhkhawhmi a um loh tiah an chim.

Kan ton lai i kan khuh hnawh hna lai. Na nunnak kan tawiter lai tiah social media ah cun a post.Tuan deuh i online ah video a rak i postmi ah a chimmi cu Covid-19 ka ngeih le ngeih lo hneksak ka si cang. A tu hi a result ka hngah lio a si tiah a chim. Chirhchan: Dailymail