US Thimnak Cu Khuaruahhar Lei Si Cang. Trump Hi A Mawh Hrim Lo!

World News

Thawngpang thar a chuak chin lengmang US thimnak cu khuaruahhar lei asi cang. Donald Trump cu alamkip in pei an rak doh ko hi timi cu afiang chin ko cang. Tutan thimnak kongah thawngpang thar achuak tthan mi cu US thimnak ah vote 6 million cu Google nih an fir i, Joe Biden lei ah an kalter tiah fiang ko in thanhnak an tuah cang. Hi konghe pehtlaiin atang lei bangin hin asi.

US Presidential Elections 2020: Joe Biden Nears Finish Line, Donald Trump Says "Stop The Count"

Thimnak konghe pehtlaiin Dr Robert Epstein cu Tucker Carlson Tonight nih biahalnak an tuah. A chimmi cu tutan November ni 3 US thimnak ah Google nih vote 6 million an fir, Cu vote vialte hna cu Biden vote ah an chiah dih, Google nih hin Donald Trump ralchanh in Joe Biden tu an bawmh tiah a chim.Hithil hi Bing siseh Yahoo siseh Google he an langhtermi aidang tuk.

Anmah pawl hi Biden lei ah adirmi an si ko nain an chimmi aidang tuk. Cucaah an tuahmi siseh an langhter mi zohtikah aikhat hrimhrim lo tiah a chim. Tutan vote abuainak state tampi lakah pathum asi mi Arizona le Florida cun North California ah vote athla mi minung 733 zong amah project ah hin a ummi an si tiah an chim chih.

US President thimnak kong online ah kan zoh tikah Trump dirhmun achiatnak lawngte an langhter. Joe Biden athatnak lawngte langhter asi i, thilhi pakhatkhat cu a um ko lai tiah minung tampi hna nih an chim. Google ah Trump le Biden kong thawngpang rak kawlcio ulaw Trump athatnak pakhat zong hmuh dingmi a um lai lo. Aruang cu Trump lei ah attangmi an um lo ti asi.

Facebook siseh tutan ah Google siseh, tthenkhat youtube zong Trump thatnak kong asimi cu tampi an kham hna tiah theih asi. Cun vawlei cung thawngpang media ngan pipi hna nih hin Donald Trump an dirkamh lo ti asi. Joe Biden tuhi an dirkamh caah Joe Biden thatnak lawngte an langhter ruangah Trump thatnak zapi nih an hmuh lonak asi tiah an chim.

Tutan US thimnak konghe pehtlai Donald Trump cu an dirhmun atthat lo caah abiapi ngaingai mi ahnu bik nawlngeitu Supreme Court biachahnak cungah an i hngat cang. Tulio state level tuak tikah Trump chuahpi mi hna cu an hnon lengmang, Curuangah Trump zong nih bochan ding dang aum ti lo Supreme Court lawng hi asi ko tiah a chim. Arauh hlan ah biafiang cu an thanh te lai i, hngakcio ko hna usih.

Leave a Reply