US, Texas A Ummi Chinmi Caah Theih Aherh Taktak

Thawngpang

Texas um pawl caah dawr thil cah lak i kal kong ah theih tha tete. Ramkulh uktu Greg Abbott nih uknak lei nawlbia (order) GA-16 a chuahmi April 24,2020 ninga ni 12:01am ah a nung thawkmi order bantukin a hramthok inn ah um timi order rak chuah lio ah a herh ngaingai lo tiin rak timi cheukhat chawlehthalnak pawl hna nih zeimawzat khamnak he dawr thil cah lak i kal ( to-go) an tuah khawh ve cang lai.

A herh ngaingai lomi chawlehthalnak pawl on than a si dingmi tahchunhnak pawl Hnipuan dawr pawl—keden dawr pawl- thutdan cabuai dawr pawl-hmanmi thilri dawr pawl- cauk dawr pawl- thil dawh ser thiamnak le zungthiamnak/Hobby dawr pawl-muicuan lentecelhnak dawr pawl- inn tamhnak dawr pawl- ngandamnak le dawhnak thilri dawr pawl.

A herh ngaingai lomi chawlehthalnak dawr pawl a on than dingmi hna nih dawr cah lak i kal( to-go) tuahmi dawr hna nih ningcang tein mah Texas ramkulh ngandamnak lei zung nih riantuantu pawl le thil cawtu pawl an humhimnak caah hi zulhphung pawl hi nan zulh hrim a herh. -Nan dawr chungah thil cawtu pawl nan luhter hrim hna lai lo

– Thil cawtu pawl nih dawr ah cawhmi lak ding in siseh, cakuatnak in kuat dingin siseh, siloah inn ah rak pek dingin siseh thil pawl nan cawk khawh. – Phaisa peknak vialte hi phone in lole internet in tuah ding a si lai. Hi tin a si khawh sual lo ahcun, pakhat le pakhat i tonghnak hi a tlawm khawh chungin tuah ding a si lai.

– Pakhat le pakhat i a tlawm bik i tonghnak a si nakhnga cawhmi thil pawl cu a cawtu i mawtawka hnulei kuang lole a hnulei thutnak ah chiah piak a si lai. – Zei thil paohpaoh inn ah kuatmi cu kutka hmai tiang kuat a si lai. Thilri a phurmi riantuantu kha innchung ah luhter an ngah lo.

A herh ngaingai lomi chawlehthalnak dawr pawl a on than dingmi hna dawr cah lak i kal ( to-go) tuahmi i riantuantu hna vialte nih ningcang tein mah Texas ramkulh ngandamnak lei zung nih riantuantu pawl le thil cawtu pawl an humhimnak caah hi zulhphung pawl hi nan zulh hrim a herh.

Riantuantu vialte nih a caan hman tein kut i tawl , riantuannak hmun zawtnak rungrul um lonak dingin tuah ding, le pakhat le pakhat i hlat in um ding hrim a si lai. – Riantuan hlan ah riantuantu vialte cu nan taklin maw/lo ti chek, a thar in nan khuh nan khuh maw siloah nan khuh a zual deuh maw timi chek, thawchuah i harhnak um maw ti chek, hromfak maw timi chek , a thawtnak le rim theih loin nan um maw timi chek le taklin a um maw, taklinh 100.00 degree cung a si maw timi cheknak pawl hi tuah hrim ding a si lai. Hi zawtnak phun a langmi riantuantu pawl cu inn ah tinter colh ding a si lai.

– Riantuannak ah luh cangka in riantuantu vialte kuttawl siloah kut ah zawtnak um lo nakhnga thianghlim tein tuah hrim ding a si lai. – Riantuanmi vialte hmaihuh i huh hrim ding a si lai.
– Thil cawtu pakhat khat he i tuahtonnak um paoh hnu ah kut tawl siloah zawtnak um lo nakhnga thianghlim tein tuah hrim ding a si lai.

A herh ngaingai mi chawlehthalnak dawr pawl tahchunhnak pawl Ei ding dawr pawl, thilri chiahnak inn dawr pawl, thir in sermi thilri zuar dawr pawl – a nganmi bom a zuarmi innchungkhar caah a herh ngaimi ca hrenhnak thim kuai pawl- thingkung thlaici erhnak hmun pawl- zu dawr pawl- chawlehthalnak dawr pawl a si i inn in riantuannak caah a herhmi thilri a zuartu pawl- mawtawka thilri le remhnak dawr pawl- saikel ( bicycle) remhnak dawr pawl – RV remhnak le zuarnak dawr pawl.

A herh ngaingai mi chawlehthalnak dawr pawl nih zeitindah rian an tuan lai timi kong ah cun a thlenmi a um lo. Uknak lei nawlbia (order) GA-16 chuahmi nih hin inn ah um timi nawl chuah lio te khan a rak tuan cangmi chawlehthalnak pawl (businesses ) he cun a pehtlai lo. Texas ramkulh nih a herh ngaingai mi chawlehthalnak pawl tiin phun (17) thennak a tuahmi a um. Mah pawl cazin hmuhnak caah tdem.texas.gov ah leng.

Khammi cawlcanghnak pawl tahchunhnak pawl (tutiang kham rihmi) Zeizat an si zongah mipi siloah pumpak aa pummi bu pawl tam deuh tar umnak inn lennak pawl  mipi lentecelhnak thilri hmannak – rawl dawr pawl chungah ei le din- zu dawr pawl le dawr nganpi chungah tuahmi rawl dawr pawl- lentecelhnak kal- taksa hmeh/malit nak dawr pawl- pum cung i mawngcik i chunhnak dawr ( tattoo) le hna vihnak dawr- sam mehnak dawr kal siloah barbershop kal- tin tuahnak dawr kal.

Dawr thil cah lak i kal timi tuah dingmi nih zeitindah nangmah chawlehthalnak ( business) tuahning a si lai timi kongah biahal duhmi na ngeih ahcun zangfahnak tein James Kunke, jkunke@cityoflewisville.com sin ah hin email kuat. A nih hi Community Relations and Tourism ah Director a tuan liomi a si. Credit: Salai Z T Lian

Leave a Reply