US Chinmi Caah Thawngpang ttha: Trump cozah nih Mean-tested benefits timi “Food Stamp, Medicaid le SSI” tibantuk hmang in citizenship sok kha tu thla “December 2” in an phih. Asinain, nihin ah Federal district court nih cu an phihmi cu an ngol ter tthan hna. Asullam cu Food stamp, Medicaid le SSI, tibantuk a ngah liomi cu Citizenship fee liam loin sok tthan khawh asi. Amahbelte fee liam lonak Form “I-912” tu kha a thar si loin a tthingmi kha nan hman a hau.

 

Relchih. Ralrin a herhnak: Ralzaam in US a rami poah nih green card nan sok tikah siseh citizenship nan sok tikah siseh chungkhar laaknak nan tuah tikah siseh-ralzaam nan rak sok lio ii nan case ning tein zuldawi peng uh, refugee nan sinak nan case lengin pat hlah uh.

Cun, nu le va pawl ii tthit-umnak nithla ai theih ti lomi, a philh cangmi poah, nan ruahnak in, ttial hmang hlah uh. Form nan phit tikah na theih ti lomi cu. Unknown ti-ah ttial ko uh. A kum lawng nan theih ii, a nithla nan theih ti lo  cun. Unknown/2019 tibantuk in ttial uh. Immigration lei he aa pehtlaimi cu thilfa tete zong ralrin thiam a hau. Mi dang tuahpiakmi, amah tein ai tuahmi-piahtana ton hnu ah ka phisin mi a tlawm ti lo. Ralrin thiam i zuam hna usih. Salai Van D Ceu