US Nih Iran Foreign Minister Hremnak An Pek, Ramhnih Karlak Buainak A Zual Kho
US Nih Iran Foreign Minister Hremnak An Pek, Ramhnih Karlak Buainak A Zual Kho
Iran cu an cei ko cang lai hih. US Department of Treasury nih Iran foreign minister Mohammad Javad Zarif cungah hremnak an tuah mi an phuan cang.
Treasury department hna nih Mohammad Javad Zarif cungah hremnak an tuah mi cu US-ah thil a ngaihmi vialte hi amah nih a tawngtham kho lai lo, tiah an thanhnak an tuah. Hi kongah Mohammad Javad Zarif a chim ve mi cu US-nih ka cungah atu bantukin phihkharnak an tuahmi a ruang cu an rianttuannak ah doh daltu a um lai timi an phan ruangah a si,”tiah a chim ve.
2015 Iran nuclear deal lak in US aa hnuhdawh thawk khan US le Iran karlak buainak chiat hram aa thawk i atu an dirhmun le bang ahcun zeitik ah dah an i doh lai timi lawng cuanh cio a si. Mah tluk in US le Iran karlak pehtlaihnak a chia cang.
Hi kong he pehtlaiin Treasury secretary Steven Mnuchin nih a timi cu Mohammad Javad Zarif nih hin Iran Supreme Leader (Ayatollah Ali Khamenei) thleidennak lei kap in rianttuan a timh ruangah atu bantukin a cungah hremnak kan tuah hi si,”tiah a chim ve.