US Nih Iran Cungah Tuah A Timh Mi Thanhnak A Tuah Taktak Cang. Nizan ah US Secy of State Mike Pompeo le Treasury Secy Steven Mnuchin hna nih cun Trump Admin nih Iran hremnak ding le hremnak pek ding kong cu thanhnak an tuah i, a biapi bik timi phunriat in hremnak pek asi. An ram economc hnuarsuang dingmi zong aa tel chih.

Mike Pompeo nih cun hi bantukin an hremnak (sanction) phuan asi nak a ruang cu Iran ram i nawlngeitu cawlcangh, thli tuah mi le an ruahnak an hlen khawhnak caah tuah mi asi nak kawng cu a chim. Hi kongah Press Conference, White House ah an ngei i, an targets bik tiah an chim mi cu Iran constructions, manufacturing, textiles, mining sectors, iron le steel siamnak nganbik hna hi an si.

Hi kongah Steven Mnuchin nih a chim mi cu Iran hremnak le hrem ding mi hi President Trump nih fiang tein a rak chim cang bantukin economic lei hremnak cu Iran nih ralhrang pawl cawlcanghnak le nuclear hriamnam serchuah dingin rianhma a kalpi chung paoh cu kalpi peng asi lai. Hi hremnak (sanction) nih hin Iran economy i international chungin 90% lakah 80% hi a hnuarsuan lai

President Trump zong nih Iran nih Iraq ram um US military air base pahnih cu ballistic missile 14 a kah hnu khan hi tin a chim colh ve. “Iran economy i hngahnak cu a fak bikmi in kan hrem cang lai. Iran i khuakhangtu (regime) hna nih an lungput le ruahnak an thlen hlan lo cu hi bantukin kan kalpi peng lai” tiin hremnak hi a fak khawhchung fakin kalpi asi lai tiah a chim.

Mike Pompeo nih a chim tthan mi cu Iran Quds Forces hruaitu Gen. Suleimani an thahnak konglam ah fiang tein Soleimani nih American interests, US embassy, military bases, US Embassy dohnak ding le ttihnung tukmi tuah dingmi (threat) a ngei i, hi ruangah thil a can hlan in donghter (full stop) piak asi. Zeitindah minute a rat lai timi kong cu kan theithiam lo, sinain biachahnak (executed) cu President nih a siam cang” tiin, President Trump nawl peknak in Gen. Qassam Soleimani cu drone airstrike hmangin thah asi tiah a chim.