US Nih F-35 Hmangin ISIS Umnak Hmun An Phomh Tthan

Nizan Sept. 10,2019 khua dei deuh hlan ah khan Iraq ram i Island pakhat, ISIS a zammi hna umnak hmun cu “Operation Inherent Resolve” ram 81 komh in hmunkhat ah rian a ttuan mi phu hna le US hruainak in F-35 Fifth Generation fighter le F-15 hmangin an kah hna i, bomb an hman mi hi 36,000 kg tluk an thlak tiah, US CENTCOM nih cun a chim.

Mah an bombhnak hmun hi Qanus Island, Salah al-Din province, Iraq ah a si i, ISIS pawl zaamnak le an i funtomnak bik” (ISIS infested) tiin an chim mi pakhat a si. Mah ISIS an dohnak hna hi Coalition and Iraqi Counter Terrorism Service tiah min pek a si i, Qanus Island hi Z bantuk in a um mi tikulh pakhat a si.

Cawn nikhatni zongah khan Makmour hmunah Kurdish miphun ralkap, Kurhdish Peshmerga hna nih ISIS minung 10 an thah hna’ tiah theih a si.

Note: Tutan ISIS dohnak ahhin a thimi le hliamtuar ti bantuk pawl an um le um lo langhter chih a si lo.