US Nih Coronavirus Damhnak Sii Kan Hmuhchuah Cang Tiah An Chim

Thawngpang

Vawleipi cawl ngamlo le leng chuak ngamlo in mah le inn cio lawng ah a kan erh tertu coronavirus damhnak sii cu chuah cuahmah a si cang. University of Pittsburgh in research a tuahtu pawl nih hi zawtnak thlawpnak sii a thar cu chuah a si cang lai. Hi sii hi cumpi tlangrai sii bantuk in a chunh zong a dintemi a si tiah an chim.

The vaccine is delivered into the skin through a fingertip-sized patch of microscopic needles made from sugar - which scientists describe as 'painless' and feeling like velcro

Scientist pawl nih an chimning ah cun hi COVID-19 thlawpnak sii nih hin zawtnak hrik kan pumchung i a ummi hi zarhhnih chung ah a thah khawh lai. A ra laimi thla tlawmte hnu ah cun hi minung fahnak a kan petu chung hin kan luat cang lai tiah an chim.

US team pawl hna nih hi sii hi zuu ah hneksaknak an tuah hmasa cang. An tuakning ah cun hi sii nih hin a tlawmbik in kumkhat chung cu hi virus hi cawlcang kholo in a tuah hrimhrim lai ti a si. Hihi thla 12 in 18 karlak chung ah cun hneksaknak kan tuah khawh lai. Cu bantuk in mipi caah hman ding in hneksaknak tuah khawh hnu ah cun nikhat ah a thongthong in kan chuah khawh cang lai tiah an chim.

Tutan hi a voikhatnak independent scientest pawl nih COVID-19 damhnak sii an serchuah a si. Hi bantuk in an hmuhchuah thawng hi The Lancet’s EBioMedicine journal pawl nih an thanh. US Food and Drug Administration hna nih cohlannak an hngah lio a si. US a cozah nih approve an tuah khawh cun caan raulo te ah mipi nih hman khawh ding in timhlamh a si. Ref: Dailymail

Leave a Reply