China ram i zawtnak pakht ṭihnung ngaingaimi Wuhan Virus cu US, Washington State a phan cang tiah theih a si. Mizaw pakhat China siangngakchia cu US a phak hnuah a zual hma ngiangai i Wuhan Virus a si a zumh ruangah siizungah a piah i a thisen an zoh fel hnuah Wuhan Virus a rak ngei tiah theih a si fawn.

China ram in US a lutmi hna cu Airport ah zohfelnak an ngei dih hna lai. A zohkhenhnak ding sii-ai an theih lo ruangah tuni Tangkawng 22, Geneva ah emergency meeting ngeih dingin WHO nih meeting a auh tiah theih a si fawn. Nikhat hnu nikhat in Wuhan Virus a ngeimi an karh chin lengmang. Vawlei cung pumpi ah a phan in a kar sual lai ti an phang ngaingai i lungrethei in an umhna.

Tangkawng (January) 21 ah minung 9 nih an thihpi cang. Minung 440 leng tam nih Wuhan Virus hi an ngeih cang. Hi Wuhan Virus zawtnak i chawnh a fawi tuk ruangah The World Health Organasation (WHO) nih thawngthanhnak zong an tuah. China, Wuhan i Seafood (nga zualnak) hmun in a chuakmi zawtnak ṭihnung a si ruangah a min ah Wuhan Virus tiin an phuah hi a si. Wuhan i seafood (nga zuarnak) hmun zong khar a si cang i Ebola zawtnak bantuk a si tiah mi cheukhat nih cun an chim ve.

Thailand, Japan le South Korea ram hna zongah a phanh cang ruangah ralrin tein mipi um dingin thawngthanhnak an tuah. Australia ram i mizawt pakhat zong Wuhan Virus zawtnak a si an zumh. A thisen zohfel dingin China ah an kuat lai. Wuhan Virus zawtnak a ngeim pawl cu an derthawm ngaingai. An tak a sa an thawh a phih hna i an cuap lei tiang a ṭhih khaih hna. Cun an ṭang a fak peng hnuah an thih tiah theih a si. Source: Channelnewasia