US Laimi Lawng Si Loin Hmun Kip Laimi A Kan Phomh Dih

Sermon

US Laimi Lawng Si Loin Hmun Kip Laimi A Kan Phomh Dih

Image result for Rev hrang bik ceu

Laimi biachim thiam zong a si i, mi thluak tha bak zong a si i, Pathian mi hman taktak zong a simi Evan. Hrang Bik Ceu cu US ah a um lio a si. US Laimi sinah Pathian Bianung a chim cuahmah lio a si. US Laimi nun nih a miphun dawtnak ing zong puanter ngai dawh a si.

Phung a chimnak ah Pathian bia lawng si loin US Laimi dirhmun kongah a lungtlin lonak zong a chim len hna. ‘Maw.. duh a nungmi ka Lai miphun America ram ah khua a sami hna Lai thuam in vun i thuam zungzal u. Nu le pa hna nan thi te lai. Nan fale kha Lai thuam an i hruk lai lo ti ka phang tuk’ a ti. A chim thanmi cu ‘Lai thuam ka timi hi nan Lai thuam thilpuan kha ka chim duhmi a si lo. Nan tahmi Lai hnih kha a si lo. Keimah zong ka ngei ve ko hna. Lai thuam an si lo ti kha kaa fiang tuk. Mirang thuam cu mirang holh a si; Taluk thuam cu Taluk holh a si; Laimi kan thuam cu Lai holh a si.

Kan nih kan thuam cu Lai holh a si. Lai holh in pei nan holh ti lo hi. Lai lei cun ‘busy’ ti khi a tam tuk i kan inn thlang nu nih ‘Saya Bik, busy ti hi nu ma si pa hme’ a ka ti. Ka thei ve lo. A min ka zoh ah hin nu a si theo lai ka ti tiah a chim.’BB, Zite hei ti phun khin Busy ti kha Lai lei nih cun nu ma si pa hme an ti phah le mu! Kan i manh lo tuk hei ti ziar ko ca..a cu busy cu na pi na pu holh maw si? ‘Ai .. kan i manh lo tuk le hei ko ca. Ka busy na hei ti lengmang. Busy ti ahcun na thau deuh maw zei!

Kan ram ah ei.. nan thangcho tuk le hei ti khi cu hmual a ngei lai lo hei phun khin, an vaa ton ah khin aaa.. nan tutat bak si ah an hei ti! Tuh le teh kha kan pe le kan pu holh aa telh lo cuh. Kan ram kan miphun nih holh dawhdawh kan ngei ko teh’ tiah tha lo tein US Laimi a phomh hna. US Laimi lawng si loin ram kip um Laimi sin biacah bantuk an si. Kan Lai thuam taktak cu Lai holh a si a timi hi ‘roling bia’ pakhat a si lai. Kan Lai thuam tahmi thilri pawl kan laknak hi miphun dang sinin an si i, Lai thuam ah kan ser. Asinain kan holh cu kan kokek hloh a si caah kan thuam taktak a si. Laimi nih Saya Hrang Bik Ceu biachim hi kan cohlan cio lai tiah zumh a si. Ref: TCP

Note: Mah hi a saungai cang mi si ko nain a thar in kan rak thlah tthan mi a si.

Leave a Reply