US Laimi Kan I Ralrin Taktak A Herh Cang, US Ramchung Ah A Um Bal Rih Lomi Thilthar Pakhat A Um Cang

Theihtlei

US Laimi Kan I Ralrin Taktak A Herh Cang, US Ramchung Ah A Um Bal Rih Lomi Thilthar Pakhat A Um Cang

Related image

Zei thil paoh hi kan cungah a tlung in a cang lai lo tiin chim khawh a si ti lo, a ruang cu kan umnak rak nih a kalpi cang ahcun duhsah tein mi nun a ei ve tawn. Cucaah US laimi zong nih kan i ralrin taktak a herh cang. Cucu zeidah a si ti ahcun US ram Utah state ah nupi or pasal ngei ko buin midang he nupa sualnak (sex) tuah sual ahcun thong thla 6 le $1,000 liamter khawh a si, nain cu upadi cu an thah riangmang i phungdang an ser cang. Atu thawk cun Utah state chung ummi hna nih nupi pasal an ngeih ko zong ah midang he nupa sualnak (sex) an tuah ahcun sual a si ti lo, cozah upadi thar nih a onh cangmi a si.

Related image

Mah upadi thar an sermi hi Republican cheukhat nih an soisel ngai, cozah upadi nih sualnak tuah a onh awk hrimhrim a si lo, a diklo tukmi a si,” tiah Republican Rep. Keven Stratton nih a lungtlin lonak kong cu a chim. Sinain khat lei in Liberal lungput a ngeimi Democrat tampi cu an i lawm ngai ve tthan, a taktak ah upadi ning in kham/control khawh lomi sualnak cu kham len awk a si lo, onh awk a si ko an ti.

Cu ruangah laimi umnak state zongah hi thil hi a cang lai lo timi chim khawh a si, A ruang cu kan theih bantukin hi phungthar a chuahnak zong hi US ramchung lila in a chuak mi a si tikah kan tong hrim lai lo timi chim khawh a si lo caah kan i ralrin ngaingai a herh ko. New York Post

Leave a Reply