Rian Kan Ngei : Job Openings. Greenwood Area ah rian kan ngei rih. A duhmi nih Chin Community of Indiana Facebook ah online application kan tuahmi ah apply rak tuah te law. Job apply website ah rak sawk te law. Tulio cu Indiana ummi calawng deuh asi lai. Pitney Bows Company caah. 1st shift $18.00/hr, 2nd shift $20.00/hr asi lai. full phit nak https://chincenter.formstack.com/forms/job_application

Unemployment sawk duhmi nih, unemployment website, Social lei herhmi nih social website ah apply rak tuah cio te uh. Kanmah si a lut hnu lawngah kan in bawmh khawh hna lai. Siaherhnak he, Moses Lian (Manager) CCI. Credit:Chin Community of Indiana

Thawngpang thar rak rel chih: Paycheck Protection Program (PPP). Coronavirus ruangah harnak a tongmi small business pawl caah bawmhnak tuah ding in President Trump nih a chuahpi mi cu White house, senate le house i hruaitu pawl pawl biatak tein in ceih saling a si. Tu zanlei a si lo le thaizing ah cun kap thum lungtlinnak an ngei lai tiah zumh a si.

Republican pawl nih cun zeidang bawmhnak cawh rih loin Small business pawl rianrang in chanhchuah dingah an chuahpi mi asinain Democrats pawl nih small business he a pethlai lem lomi, sizung, state cozah, coronavirus testnak pawl an telh chih caah atu tiang lungtlinnak an ngeih khawh lomi a si.

Atu tiang an cehning ahcun US$470 billion a dih lai an ti. Mah bill cu phase 3.5 ti zongah an auh. Bill chuahpi an timhmi chungah US$310 cu small business pawl bawmhnak, Paycheck Protection Program (PPP) hman a si lai an ti. PPP ah hin small business payroll le a dang an herhmi caah a tam bik hman dawh a si. Cozah nih PPP caah fund a rak pek cang nain a tlawm tuk caah kan hnu zarhThursday ah khan a dih cang i, sawk khawh zong a si ti lo ti a si. PPP ca chung i $60 billion chungah in $50 billion cu loans caah an hman lai i, $10 billion cu grants caah hman a si lai. Small business a ngeitu hna nih an riantuantu hna, employee pawl payroll caah thlah hnih le inn hlan man, rent, mortgage interest le utilities caah an hman lai ti a si. Small business hi US sipuazi thanchonak caah a engine bantuk a si caah thihter awk a tha lomi asi tiah an ruahmi a si.

A dang a tangmi phais $75 billion cu hospital caah hman a si lai i, $25 billion cu coronavirus testing tuahnak caah hman a si lai. Cucaah a dihlak i hman dingmi phaisa cu $470 billion a si lai. Tu zanlei asilole thazing ahcun an pass khawh lai tiah zumhnak a um. Laimi chung in small business a ngeimi, rawldawr le sushi dawr a ngeimi hna zong nih an sawk khawh lai tiah zumhnak ka ngei. Credit: Salai Lairamthang