Officers Breann Leath cu nizaan April ni (9) zaanlei sang duty a ciahnak ah meithal in kahthah a si tiah theih Fox59 nih a tarlangh. Palik dang pawl cu an umnak zung (apartment) an va phak tikah an zung chung i meithal khah thawng an theih.

Cu an umnak zung (apartment) chung i meithal kahnak ah cun Officer Leath le nu pakhat an rak um i an pahnih in meithal hliamhma an tuar veve. Officer Leath cu sizung ah tlikpi colh a sinain chanh manh loin a nunnak a liam hi a si. Leath hi kum (24) minung te lawng a si i fapa pakhat a ngeimi a si.

A rianṭuan ṭi hawi cheukhat nih an ngaihchiatpinak an ṭialmi cu, “ Zeitik caan poh zohchun tlak in rian a ṭuan zungzaltu Officer Leath kan in siang hrimhrim lo. Kan in ngai tuk lai ee. Miphun le ram caah nunnak na pek a si,” tiah amah sian lonak cu an ṭial.

Officer Breann Leath a kaptu an lunghrinhmi pa hi zohkhenhnak bu (Custody) cungah a telmi a si lai an ruah a si i nu pakhat kah a tong vemi cu cu a nunnak acaah ṭihnung chiahru a si lo tiah an chim chap ṭhan. Chirhchan: Heavy

Thawngpang dang rak rel chih: New York Le New Jersey Cu Coronavirus Nih Thlanmual Ah A Ser Cuahmah Peng Ko. A luan ciami suimilam 24 chung lawng ah khan New York State lawng bak ah coronavirus he pehtlai in minung 779 bak an liam tthan cang tiah Governor Cuomo nih a chim. Nizan ah khan minung 731 bak an rak thi cang. Hihi a tu tiang ah cun nikhat chung ah a thimi an tamcem caan a si, tiah an chim chih. New York State ah hi zawtnak a ngei tiah theih khawhmi hmanh hi minung 149,316 renglo an si cang. A tu tiang ah cun vawleicung ah coronavirus in a zawmi an tam biknak hmun a si rih.

New Jersey ah hin cacawn nihnihni ah khan a thimi minung 232 an si i nihin ah cun 275 bak ah an kai tiah Gov. Philip D. Murphy nih a chim. Hi state pahnih hna hi US ramchung ah coronavirus in a thimi an tam biknak hmun a si. Hi state pahnih lawng ah a thimi hi minung 7,772 an tling cang.

New York State lawng ah coronavirus a ngei tiah hngalh khawh cangmi hi minung 149,316 an si cang. Hihi US chimlo ah cun ramdang ramkhat chung ah coronavirus a ngeimi hna nak in an tamdeuh cang. Italy le Spain ram hna nak in an tamdeuh cang. Mr. Cuomo nih cacawn nihnih tiang ah khan hospital a phanmi hi zatuak 3 in an karh. Kan hnulei zarh hna nak in zatuak 25 bak in an karh tiah a chim chih.

A sinain New Jersey lei in Mr. Murphy nih cun hi zawtnak ruang ah sii inn phanh pimi mithar an tlawm ngai cang. Cacawn nihnihni ah kahn minung pakua an i chap tiah a chim. A chim chihmi cu, rawl dawr hngaktu pawl hna zong nih hmaikhuh i khuh i thil cawtu hna zong nih i khuh ding a si. Kan nunnak ding caah kan doh cuahmah lio a si tiah a chim chih.

New York State chung ah cacawn nithumni lawng i a thimi dihlak an thanhmi hi minung 6,298 an si i Sept. 11, 2001 lio World Trade Center ralhraang pawl nih an rak tuk lio i a thimi nak in a lethnih nak in an tam deuh tiah Mr. Cuomo nih a langhter. Ref: The New York Times