US He Hmunkhat Rianttuan Khawhnak Dingah A Hrehmi Paoh Kan Tuah Lai- Putin

World News

US He Hmunkhat Rianttuan Khawhnak Dingah A Hrehmi Paoh Kan Tuah Lai- Putin

Image result for trump and putin

Russia President Vladimir Putin nih US President Donald Trump cu G20 summit, Osaka i cawn nirukni tonnak an ngaih ah Moscow nih cun US he rianttuan ttinak le hmailei ramhnih i pehtlaihnak ttha a chuah khawhnak caah a herh mi paoh kan tuah lai, mah hi Ukraine ram buainak ah Russia aa thlak timi puhnak le US thimnak-ah Russia-nih a buaiter timi puhnak vialte holh dih a sinak ding le hmailei ah hi bantuk a um tinak hnga lo caah si lai,”tiah a chim.

Putin nih cun Trump cu ralpi II lio i Nazi an tei a voi 75 lomh dingmi, May 2020-ah telpi dingin a sawm fawn. Trump zong nih hi kongah a lungthin a peknak kong cu a chim ve. Vladimir Putin nih hin G20 summit, Osaka ah a chim mi cu US President Donald Trump he ramhnih karlak chawhlehnak le hriamnam a tlawm deuhnak dingah rianttuan tii ding zong ceihmainak kan ngei tti i, kan pahnih karlak biaruahnak zong a ttha in a tluang ko,”tiah a chim chih.

Atu cu kan karlak thil cangmi remhnak dingah tuah dingmi kan ngei i, hmailei kal khawhnak dingah kan tthawnnak le thazaang thar lak ding kan ngei a ti fawn. Conference ah bia an halmi cu US nih Russia cungah hremnak a tuah khawh men tiah an halmi cu Putin nih mah hi cu Washington lei nawl si i, Moscow he pehtlaihnak ttha a um khawhnak dingah lam sialtu zong an si,”tiah a chim.

Putin a chim rihmi cu Trump he in Venezuela thlihran ning zong kan ceih tti ti chim in, mah konglam tu ahcun a dik hiar in thil a chim duh lo.

Leave a Reply