Salai Van Lahnin||21-2020|WORLD NEWS||US Election Update-Atu lio Chin/Mizo media tampi nih Trump nih a tei lai Biden dirhmun cu a ṭha lo tiah thawngpang tampi rel awk a um lo. Biden dirhmun a ṭha lei si loin a chia lei lawng te an chim. Cucu a reltu hna duhning tein ṭialmi a si. A ngaingai kan ti ko ahcun Trump dirhmun hi ṭhat lei a panh kho rih loh.

President Trump nih Article II, Section 2: Clause 1 bangin Martial Law a hman lai ti bantuk an chimmi zong hi a si lomi a si. President cu ralthuam kengtu hna uktu Commander in Chief a si tinak khi a si ko.

Trump i National Security Adviser ṭhing Lt.Gen. Micheal Flynn, Dimond & Silk le micheukhat nih Martial law hmang dingin ti hmanh hna sehlaw a takah thil ṭihnung tuk a si ruangah White House Chief of Staffs Meadow nih,“Cu bantuk ruahnak an ngeih lonak” a chim pah ṭheo tawn.

An i ruahchanmi cu January 6 i Congress le Senate nih Electoral Voter an lak tikah State 6 in Biden vote petu le Trump vote petu umnak kha Trump ta ah an ṭhial lai timi ruahchannak an ngei. Cu bantuk thil a si khawhnak ding ahcun atu in January 6 hlan ah Voter Fraud (vote dik lo) tampi an hmuh khawh a herh.

January 6 Joint Sessions i House ah le Senate ah Biden nih a tei lo tiin zuamcawhtu pakhat veve tel an um a herh. House ah cun Mo Brooks nih ka zuamcawh lai ti a phuan cang. Asinain, House ahcun Democratics lei an tam deuh ruangah a sung cia. Senate ah khan Alabama Senator Tumbervile nih a zuamcawh kho men ti a si.

Senate ah GOP 50-40 Democratics an si i January 5 Georgia Senate seat 2 thimnak hi a bia taktakmi a si. Republican lei nih an tei ahcun 52-48 an si lai i Election result an kham khawh. Asinain, Democratics lei nih an tei ahcun Biden President a sinak lam cu kham a har ngaingai cang lai.

Thil pakhat um dingmi cu Georgia ah Vote Audit an ngei lai. Vote million 6 hrawngah Vote dik lo 15000 hna an hmuh ahcun Trump nih Georgia ah bual a co lai i State dang zongah lam a ong lai. An hmuh lo sual ahcun an caah cun ruahchannak um ti lo tluk a si cang.

President Trump nih Voter Fraud (Vote dik lo) kherhhlaitu ding Special Counsel caah Sidny Powell thim a timh tiah theih a si. Amah hi ralkap nawlngeihnak lak dingin hmai a suangtu pakhat a si ve. Trump i Trade Director Peter Navarro cu cahmai 36 report a tuah i Election ah Fraud le thil dik lo tampi a um tiah ati. Zeidah an lawh thai te lai. Thlacamnak he cuan cio tuah hna usih! Chirhchan-Lal Lian Zual, Naypyitaw

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin