US Election Thuthar(9.12.20) Pennsylvenia ah Biden nehnak pe hrih lo dingih kham sung dingin Republican-pawlin US Supreme Court an dilnak cu hnawlsak a si. Asinan Trump sihni Jenna Ellis cun Case cu hnawlsak a si lo, kham sungnak an hnawl sawn a si a ti.

Texas in Michigan, Pennsylvenia, wisconson le Georgia thu US Supreme Court ah a pulut. Hi Case hi an cohlang zo tiah Media Right cun a ngan. cun Alabama State khalin Texas an zawm ve. President thar thutiam laknak ding hrang Inaugurataion Joint Conmmittee cun Biden cu President-elect tiah an pawm thei hrih lo.(The Epoch Times). Cuhleiah CIA briefing khal block a si. CIA hin President hrilthar mi hnenah nitin thuhla an report ṭheu mi cu tawpter a si.

Hi laiah hrilawk zan ihsin Biden cu ‘President-Elect’ tiih kotu Fox News cu a tlaniam vivo ih Trump ṭantu NewsMax cu nitinin a ṭhangso vivo. Newsmax ih “Greg Kelly Report” cun a vawi khatnak hrang Fox News ih The Story with Martha MacCallum” cu a lan riai. Kelly show zohtu 229000 a si ih MacCallum zohtu 203000 an si. Credit: Lal Lian Zual

Relchih: Ka Bia Hi Athlum Maw a Kha. Ka chimmi bia hi atling tawn. Tah chunnakah mi pakhatkhat nih lungin vok a cheh tikah a khen i a thi thio, a siloah a tho kholo a kut an tawl hnu longah athothan timi khi a kut a kha an ti ko rua. Tutan thimnak cu Arizona cu biatak tein an zoh cang caah, iruahchanawk a um ti lo.D pawl caah, cun Pennsylvania zong Ted Cruz nih U.S. Supreme Court ah achuahpi cang lai i, atei hrimhrim cang lai. Georgia hi hnahnawk taktak an si. Atu an zohthan rih lai i, Georgia Gov. Kemp Caah cun a fakbikmi zumhlonak ai bei cang. Mipi nih zumhnak tahfung ah 18 % poll ah a tla cang.

Ted Cruz sining tawi: USA President George W. Bush zong nih phungrampi lei ruahnakpetu ah a hmanmi a si. Biachim a thiam minih an upatmi pa a si. Phunghrampi ai tleih mipa a si. 2000 kum thimnak ah Bush le Al Gore tazacuainak ah Bush ca ah Florida, Supreme Court le US Supreme Court ah tehtetha he a rak tuahpiaktu a si. Cu lio ah Ted Cruz nih cun a tanpimi Bush cu teinak a hmuhpiak. Tutan zong teinak ahmuhpiak than ve lai.

Joe Biden le riantuanti ai timmi caah cun zeidah an lawh hnga ka ti. Itim loah le firchawmin teinak cu cophawt an si, itim ah le mipi aw le phungtlaithim mifim hna le Trump tanhtu USA ralkap tiang hmanh nih Joe Biden cu President a tuan kho lailo an ti cang hna. An bag cu Obama le Nancy Polosi nih an beiter hna nain Joe Biden nih a dirpi ko rih, ka kal lai maw , kailet laidah a ti liopi a si. Kabia hi a kha katimi cu Joe Biden cu nikhathmanh USA President a tuanmanh lailo.

Ka bia hi theihsehlaw a bag a chiahcawlh ko lai. Trump kha ithimnakah Rusia nih an bawmh an ti i Sualpuhnak vuihnih an tuah pinah a tuan chung hlathlainak an tuah kha mu. A tu cu anmah cungah a tlungthan. Na tuhmi thilthlo cu nafa le nih an zunlai tiah pupa phungthlukah a um, a tuchanah cun na tuhmi cu na zunlai nangmah nih ti a si ko vcang. Joe Biden atuannak ding lam pakhatte hmanh a um ti lo. Lam apitdih cang. Joseph Thawng Z Ting