US Cung Na Cawlcangh Na Ngol Lo Cun Tiah Saudi Arabia Nih Iran Warning A Pek Cang

World News

President Trump nawl peknak in Iran nih an i bochan taktak mi Gen. Soleimani thah asi hnu ah Iran nih US cungah phu kan hlam tiin Iraq ram um US Military Air Base pahnih cu ballistic missile hmangin an kah colh ve. Cu tikah an karlak ah deihnak panh loin buaibak a sosang chinchin. Hi kongah vawlei pi tiang thinphang in a um cang. US-Iran buainak kongah US hoikom ttha simi Saudi Arabia zong a um sawh kho ve ti lo. US lak ah Iran cawlcangh ning a zoh tikah ah a um sawh kho ve ti lo. Na cawlcangh ning na ngol lo ahcun Middle East chungin hrimpi a chuahnak hmun si lai,”tiah Iran cu a hro colh ve.

Related image

Saudi Arabia nih Iran cu US hi na kap kho lo ti chimh in US nih Soleimani a thahnak ruangah phu na hlam ahcun Middle East pawngkam vialte cu buainak hrimpi chuahnak hmun ah ai chuah lai,tiin Saudi Arabia nih Iran cu a hro colh ve. Kan theih bantukin Saudi Arabia hi US hoikom ttha, Sunni muslim ram asi i, Shia muslim ram simi Iran he a ral taktak mi an si. Iraq zohcah nih Iraq ramchung in American chuahnak ding phung a pass nain President Trump nih an leiba US dollar billion leng an cham hlan lo paoh cu Iraq chuah tak an timh lo nak kong cu a thanh bal cang. Hi kongah Mark Esper, US Defense Secy zong nih president Trump biachim bantukin a chim ve.

Image result for iran president

President Trump nih a unau bantuk simi British PM Boris Johnson cu thil um tu ning kong a ceihpi cang i, Iran hi an an pahnih in an phomh lai maw? timi belte theih si rih lo. British Parliament zongah Iran le Brexit kong cu MP pawl nih biatak tein an ceih ve cang. Britain nih Strait of Hormuz-ah oil phur lawng ven dingin Royal Naval Force cu a chiah colh ve i, oil tankers himnak caah si lai. US le Iran karlak buainak a chiatlei a panh ruangah vawlei pi ah oil man cu 4% lengin a kai manh cang. US zong nih a raltuknak vanlawng strategic bomber B-52 nganbik mi pali hna cu a herh ning in cawlcang kho dingin Indian Ocean i British Island Diego Garcia hmun ah a rak thiar colh ve cang hna.

Leave a Reply