Ngaihchia ngaingai a si. Coronavirus ruang ah lutaw hngallo in le leng hmanh ah chuak ngamlo in um lio ah thlichia nih US ram cu a den tthan cang. 23 April 2020 ah thawng an thanhning in cacawn nithumni zaan ah thlichia a faak taktakmi a hraang ti a si. Marshall Country Emergency Management nih an fehter ning in an thanhmi cu Madill, Oklahoma ah thlichia nih hin minung pahnih paoh cu a thah hna lai ti a si. Cun midang zong hliam a tuarmi tampi an um rih ti a si. Hi bantuk in thil a hung can hi rianttuannak hmun pahnih ah rianttuanpawl an lawi lio caan te a si. Cu caah hi a thimi minung pahnih hna hi an inn ah maw a si an mawtaw chung ah dah timi fiang in theih khawh a si rih lo.

Madil hi Oklahoma in thlanglei kam ah a ummi a si i Texas ramri in meng 10 hrawng a hlatnak ah a ummi a si. Video chung ah hin Madill ah ttih a nung ngaingaimi thlichia faak ngaingai in a hraangmi cu fiangte in hmuh khawh a si. Jasper, Texas, Louisiana ramri hrawng zong ah hin thlichia a hraan cuahmah lio a si tiah an chim chih. Nichuahlei caan in cacawn nithumni zaan suimilam 10:30 ah khan Texas le Okllahoma ramchung hmun 21 ah thlichia hi a hraang tiah theih a si.

Madill is in far southern Oklahoma, about 10 miles from the Texas border. Thir pawl le zeimaw thingpelpawi hna cu thli nih a vorh in a vorh hna cu cacawn nithumni zanlei ah khan hmuh khawh an si. Texas Gov. Greg Abbott nih Texas nichuahlei Polk County ah thlichia nih chiatnak a chuahpi timi cu a fenhter. Sebastopol pawng ah hin zanlei suimilam 5:45 (local time) hrawng ah khan hmun kaupi chung ah ttih a nung taktakmi thlichia a hrawng tiah thawngzamhtu hna nih an thanh.

Gov. Abbott nih ka office ah rian ttuantu pawl, Texas Division of Emergency Management hna le a dangdang state agencies pawl hna cu local officials pawl hi thlichia nih harnak a peekmi hna bawmhding in an chuak colh tiah cathanh in a chim. State nih bawmchantu phu le ngandamnak lei rianttuantu phu hna he Texas mipi hna cu an zuanhnawh colh hna. Tuzan ah ttih a nungmi nikhua nih a chuah pimi ruang ah harnak a tongmi Texas mipi hna kan thinlung in kan in tuarpi hna. State nih nanmah bawmhnak ding caah a tuah khawhmi paoh cu kan tuah lei i kan in bawmh peng ko hna lai tiah a chim. Ref: ABC News