US Cozah Bawmhnak Cu Minung Pakhat Nih Kum Khat Income $99000 Nak Tam Lo, Nuva A Simi Nih Kum Khat Income 198000 Nak Tam Lo Nih An Hmuh Lai

World News

US Cozah Bawmhnak le Unemployment Extra $600. US federal cozah nih rian ngei lomi hna cu kan hnu April thla thawk in zarh khat ah $ 600 lengmang a chapmi hna cu White house, Republican hruaitu hna le Democratic party hruaitu hna an lung a khah lo caah thaizing July 31 ah a dih kho men. Deparment of Labor nih tuchun ah report an pekning ahcun 1.45million nih unemployment benefit an sawk than tiah an thanh. Asinain kan hnu zarh chin nak cun tlawmpal an tlawm deuh ti a si.

Republicans want to replace extra $600 unemployment benefit with ...

Republican party nih “The Heal Act” timi bill thar an chuahpi i, Federal cozah nih unemployment benefit a ngahmi, $600 a hlei in an chapmi kha $ 200 ah thumh dingin bialu bill an chuahpi. A voihnihnak second stimulus bawmhnak chek tu cu a hlanning in minung pakhat $1200 le dependent le ngakchia poah nih minung pakhat ah $500 cio hmuh ding in an chuahpi. Minung pakhat nih kum khat income $99000 nak tam lo, nuva a simi nih kum khat income 198000 nak tam lo nih an hmuh khawh lai ti a si. Congress palai pawl nih August 7 hlan ah biachahnak an tuah khawh ahcun August thla chungah zapi sin ah bawmhnak a phan kho lai.

Second stimulus check updates: Democrats reject White House offer ...

President Donald Trump Nih Election Thawn A Duh. President Donald Trump nih 2020 election ah mail voting in thimfung pek a si ahcun US election tuanbia ah a dik lo bikmi le thimfung fir a tam bikmi thimnak a si lai” tiah a chim. November thla thimnak hi US mipi hna nih himte le felfai tein thimfung an pek khawh tik caan a phak tik ah thawn ah a tha lai” tiah twitter ah a tial. US President thimnak ah cakuat in thimfung thlakmi tampi cu cape, cala tu hna le mi tha lo hna nih hmunthur pungah an hlonh tawn ti a si.

Second stimulus check: Trump says a second package will come "very ...

President nih Twitter ah a tialmi cu Democrats hruaitu hna nih an lungtlin lonak an chim. Asinain US constitution ahcun President nih election thawn khawhnak nawl a ngei lo. Congress lawnglawng nih thimnak ni le caan thawn khawh a si. 1845 kum thawk in congress nih Article 11, Section 1 ning in President election cu November thla zarkhatnak cacawn ni hnih ni ah tuah zungzal dingah upadi an rak ser. Caṭialtu: Salai Lairamthang

Leave a Reply