US Covid-19 Update: 04/08//2020: US CDC Director Robert Redfield nih tuzing ah a chimmi cu kan ruahnak nak in social distancing felfai tein mipi nih an zulh caah caan tawmpal ah riantuan kan on than khawh lai tiah a chim. Nizan white house i press conference an tuah lio ah August thla ni 4 tiang ah khin, a thimi dihlak minung 81,766 an phan kho tiah an ruahdamh. Tuchun tiangah a thimi, minung 12857 an phan. Nizan lawngah a thimi minung 1914 an i chap. Tlawmpal a kai deuh than. A zawmi 400549 an phan. Nizan lawngah a zawmi minung 32899 an i chap. A zawmi an kai deuh than. Tutiang ah zawtnak a chek cangmi hi 1.9 million an si cang. A dam than cangmi 21711 an si. Nizan lawgah a dam thanmi minung 1901 renglo an i chap ve. A dammi zong an karh chin lengmang ve.

US ah a thimi, a zawmi a karh saling si. April 14 ah asang bikmi peak kan phan lai, mah ah khin a thimi an tam bik caan a si lai, mah dih hnu ah a thimi le a zawmi an zor chin lengmang cang lai tiah ruah a si. August thla ahcun zawtnak a thiang kho tiah zumh a si. England Vuancichuk Boris Johnson cu conronavirus in a zawt hnu zarh khat renglo deuh a si hnu ah a zual deuh i, sizung an phakpi i, Intensive Care ah an chiah i, Oxygen i a thaw an chuahter. Vawleicung ah zawtnak ngeimi tam bik cu US a si. A zual bikmi khua cu New York a si i, minung 5489 4758 an thi. Nizan lawngah New York khua ah minung 731 an thi. New York hi a tha lei an pamh ciahmah. Asinain April 14 tiang khi cu Khuaci an mui rih lai. New York caah biatak tein thlacam bawmh an herh.

Mizaw zohkhentu hna doctor le nurse pawl hi atu lio ahcun ralkap nak in bochan deuhmi an si. US mipi himnak caah ral a tumi an si. US rampi chung a zawmi le a thimi, 50% cu New York khuami an si. New York hi vawleicung khualtlawng a tam biknak khua a si caah a zual khunnak a si an ti. Covid-19 ruangah US ah rian ngei lomi million 13 renglo an si cang. Unemployment a sawkmi 6.6million an phan. A thimi tam bikmi ram cu Italy, pahnihnak ah Spain, pathumnak ah USA, palinak ah France a si. A rauh hlan ah US nih a lonh dih te hna lai tiah ruah a si. Credit: Salai Lairamthang