North Korea-North Korea President Kim Jong Un nih an party tonbiaruahnak (meeting) an ngeih lioah an ram caah ralngan bikmi cu US hi a si tiah a chim i, Nuclear ralthuam zong an ram nih a ser ṭhan dingin timtuahnak an ngei ṭhan tiah a chim chap fawn.

 

Naite ahkhan US President caah thimmi Joe Biden nih Kim Jong Un cu soiselnak bia a chim i hi ruangah Kim Jong Un nih atu bantukin bia a chimnak hi a si lai ti zumh a si. Naite i meeting an ṭhut lioah khan Kim Jong Un nih an ram nih Foreign political activity dangdang biapi a chiahnak le anmah nih Nuclear ralthuam zong zoh ṭhan dingin an chim tiah Korean Central News Agency nih cun a taar.

“US ahhin ahopaoh nih uk sehlaw, US nih North Korea a zoh ning cu a dang hlei lai lo. Cu ruangah US hi kan ram caah ral ngan bik pakhat a si i, Nuclear ralthuam zong kan ser ṭhan thluahmah lai,”tiah Kim Jong Un nih cun a chim.

Multi-warhead missile, underwater-launched nuclear missiles, Solid-fueled long-range missiles le Spy satellites i cawlcanghning zong meeting ahhin an iruah caih chih hna ti a si. Kim Jong Un biachimmi zong atu tiang cu US nih a let rih lo i Biden Campaign biaphuangtu nih hi konglam an halnak hi lehnak a tuah rih hna lo. North Korea nih nuclear ralthuam 6o a ngeih.

Thawngpang dang rak rel chih: Trump Rian Dinhter Kongah Tarnu Pelosi le Joe Bie Bia Ai Khatlo. US president a si liomi President Trump cu 2021 president siding in a tlin tilo hnu ah Demons phu nih a rannak in caan tlin hlan ah phuah zok an duh. A hlei in Pelosi innrangpi biachimtu nih chuah zok dingin lam a kal i ai zuam khun.

Pelosi nih achimmi cu trump hi US ram le Demons kan caah ral a si, a rian in phuah zok ding si, a ruahnak dikcak tilo thilthalo a tuah hlan ah kan phuah hau tiah trump sualnak kawlin a caan tlin hlan i phuah ding ai zuam. Asinain president thimmi Joe Bie nih cun thla 6 phun hna a rian dinhnak dingah caan i duh sehlaw sual puh in us ram caah chuah khawh dingin kan i zuam ko hna a si.

Sinain zeite ai duh lomi ah a rian dinh caan a phak hlan i chuah cu a hau lemlo tiah a ruah. Hi nskin biapi deuh cu US ram mipi caah kan tuah dingmi riantu kha hmaisat ding si, cun Covid damhnak sii kan kawl lai cucu us mipi caah biapi deuh si tiah a chim. CNN,Fox News (The Thantlang Post Network)

_____

Copyright © Chin World News Evening