Tutan ah US ah ummi Pastor pakhat hlennak a tong kong a si i amah Chin Net nih a rak thlahzamhmi a si i ahmanmi a si tiah a chim i amah hlengtu pastor pa zong nih chimnak a ngeih. A poi ngaingai Laimi chungah hibantuk hlen kan ton cu a poi ngaingai.

Pastor pa nih a chimmi cu “Dawtmi u le nau hna ka tonmi hi nan ton ve lo nak hnga caah saduhthahnak he kan tonmi thil hi ka rak chimmi a si. January 28 zaan ah kan tonmi thil a si i January 27 zaan cu ka mang a rak chia ngaingai. January 28 zinglei rianṭuannak ah ka kal i suimilam 11 ah inn i rawl ei dingin ka lawi i, inn ka lawi i ka ei lioah Phone call pakhat ka tong.

Phone call a rami nih cun ka min le ka umnak Address an rak chim cawlh. Cu khawh cang ka cun na min tangah Cozah lei thil ṭihnung a um tiah an ka ti i keizong ka thinphan ngaimi cu ka messenger in phaisa ka rak kuatmi kha ka messeng logout loin ka chiahnak a rak rauh tikah cu ruangah mi pakhatkhat nih an ka hack piak a si lai tiah ka ruah i, ka social security an ka hal i cu cang ka cun ka chim hna i ka social security ka chim hna hlan ahkhan na min in cu bantuk thil kha bantuk thil ahmanmi a um mawttaw mawng in Truck na ttaih bal maw an ka ti ka ttaih bal lonak ka chim.

Bank Account 16 tiang na on maw an ka ti i ka on lonak ka chim i aw na min in Texas ummi nih cu bantuk thil, kha bantuk thil ahman na social security hi rak chim tuah atu kan ngeihmi he aikaht hnga maw an ka ti i ka social security cu ka chim tikah nangmah hi na si ko. Acozah leiin rianṭuanmi kan si i na tangka kha atlau lonak dingin rian rang tein na chuah ahau an ka chimh” tiah a chim. Atangka cu $3000 an lakpiak hi a si. A saupi caah a tawinak tein kan rak ṭial i Video ah rak ngai hrimhrim.